गणतन्त्रको जग हल्लिनेगरी पूर्वराजाको शक्ति प्रदर्शन

• सालिक अनावरण गरेर पूर्वराजा ज्ञानेन्द्र शाह बिर्तामोड फर्के 
• राप्रपा अध्यक्ष राजेन्द्र लिङ्देन १५ दिनदेखि झापा मै व्यस्त 
• पूर्वराजा शाह कार्यक्रमस्थलमा पुग्दा सँगसँगै देखिए

बिर्तामोड (झापा)।। 

पृथ्वीनारायण शाहको सालिक अनावरण गरेर पूर्वराजा ज्ञानेन्द्र शाह बिर्तामोडस्थित इकम कलेजबाट फर्किसकेका छन्। राष्ट्रिय प्रजातन्त्र पार्टी (राप्रपा) को शक्ति प्रदर्शनसहितको स्वागतमा सो कलेज पुगेका शाहलाई बस्ने विशेष आसनको समेत व्यवस्था थियो। इकम कलेज प्राङ्गणमा बनाइएको सो सालिक अनावरणका लागि पूर्वराजा शाह शुक्रबार (हिजो) बेलुकी नै झापा पुगिसकेका थिए।

मेचिनगरस्थित एक होटलमा रात बिताएका पूर्वराजा शाहले सो कलेजमा आयोजित कार्यक्रममा झण्डै आधा घन्टा समय बिताए। काठमाडौंमा दुई दिनअघिमात्रै राजसंस्थाको पक्षामा प्रदर्शनमा उत्रिएका मेडिकल व्यवसायी दुर्गा प्रसाईं नेतृत्वको अभियानलाई बेवास्ता गरेका शाहको ‘क्रेज’ देखाउन राप्रपाको भव्य तयारी थियो। राप्रपा अध्यक्ष राजेन्द्र लिङ्देन १५ दिनदेखि सोही कार्यक्रमको तयारीका लागि झापा गएका थिए। कात्तिक २५ देखि झापामा बसेका लिङ्देन शनिबार पूर्वराजा शाह कार्यक्रमस्थलमा पुग्दा सँगसँगै देखिए।

• संसद विघटन