July 15, 2024 | सोमवार, असार ३१, २०८१
सुचनाहरु
संघीय संसद्का दुवै सदनको बैठक बस्दै अर्जेन्टिनाले जित्यो कोपा अमेरिकाको उपाधि सुनको मूल्य अहिलेसम्मकै उच्च प्रधानमन्त्री ओलीको क्याविनेटमा को को बने मंत्री ? प्रधानमन्त्री ओलीलाई भारतीय प्रधानमन्त्री मोदीको बधाई कोशीमा सरकार पुनर्गठनको तयारी कोकिनसहित विदेशी महिला पक्राउ मुकुल ढकाललाई स्वर्णिम वाग्लेको सचिवालयबाट धम्की कोशी, बागमती र गण्डकी प्रदेशका केही स्थानमा भारी वर्षा हुने पशुपतिनाथमा बृहत् कोटीहोम महायज्ञ आयोजना हुँदै आज देशको ४५औँ प्रधानमन्त्री बन्दै एमाले अध्यक्ष केपी शर्मा ओली युरोकपको फाइनल आज, स्पेन र इङ्ल्याण्ड भिड्दै राष्ट्रिय परिचयपत्र लागू गर्ने निर्णयबाट पछि हट्यो सरकार गौतमबुद्ध अन्तर्राष्ट्रिय विमानस्थलमा अवतरणका क्रममा बुद्धएयरको जहाज चिप्लियो प्रधानमन्त्री पुष्पकमल दाहाल ‘प्रचण्ड’ले आज विश्वासको मत लिँदै बेपत्ता यात्रुको खोजी तथा उद्धार गर्न प्रधानमन्त्री दाहालको निर्देशन बालेनसँग श्रीलंकाका राजदूत पाथिरानाको शिष्टाचार भेट अठार महिनामा पाँचौँपटक विश्वासको मत लिँदै प्रधानमन्त्री ४३ जिल्ला वर्षाको उच्च जोखिम, आवश्यक पूर्वतयारी गर्न आह्वान कोलम्बिया कोपा अमेरिका कपको फाइनलमा

मुस्ताङमा पनि बेमौसमी हिमपात सुरु

  • साझा परिवेश
  • बुधबार, फाल्गुन २४, २०७९ १२:१५
मुस्ताङमा पनि बेमौसमी हिमपात सुरु

जोमसोम ||

मुस्ताङमा यो सिजनकै पहिलो हिमपात भएको छ । बुधबार बिहानदेखि मुस्ताङमा हिउँ पर्न सुरू भएको हो। हिउँ पर्न थालेपछि यहाँ किसान,पर्यटन व्यवसायी ,कर्मचारी र सर्वसाधारण स्थानीय खुसीले उत्साहित भएका छन् ।
उपल्लो मुस्ताङदेखि तल्लो मुस्ताङसम्म फुर्रर फुर्रर हिमपात भइरहेको छ । हिमपात भएसँगै,स्थानीयबासी ,कर्मचारी र पर्यटकहरु हिउँसँगै रमाउन थालेका छन् ।
मुस्ताङमा चालु वर्षकै पहिलो बेमौसमी हिमपात भएको हो । हिउँदयाम सकिएर विस्तारै गर्मीयाम सुरु हुँदा मुस्ताङमा हिमपात भएको हो । बिहानैदेखि परेको हिउँ जमिनको सतह तातिसकेकाले बस्तीमा हिउँ जम्न सकेको छैन । यद्यपी तल्लो मुस्ताङदेखि उपल्लो मुस्ताङका डाँडाकाँडा र खर्कहरु हिउँले सेताम्मे हुन थालेको छन् । मुस्ताङमा मध्यम प्रकारको हिउँ परिरहेको छ । हिमपात अझै बाक्लो र साँझसम्म परेमा मुस्ताङका डाँडाकाँडा,खर्क ,खेतबारी र बस्ती पुरै हिउँले ढाकिने संभावना छ।

मुस्ताङको मौसम अहिले धुमिल छ । उपल्लो मुस्ताङदेखि तल्लो मुस्ताङसम्म फुर्रर फुर्रर हिमपात भइरहेको छ । हिमपात भएसँगै,स्थानीयबासी ,कर्मचारी र पर्यटकहरु हिउँसँगै रमाउन थालेका छन् । जोमसोम स्थित नागरिक समाजका अगुवा चन्द्रबहादुर थकालीले मुस्ताङमा जारी सिजनकै पहिलो हिपमात भएको जानकारी दिए । ‘ढिलै भएपनि यहाँ हिमपात हुँदैछ,अनुकूल समयमा नपरेको हिमपात अब पर्दैन होला भन्ने ठानेका थियौं,हिउँसँगै सेल्फी खिच्दै थकालीले भने,‘ जेहोस बेमौसममा भएपनि हिमपात भएको छ,यसले कृषकलाई आशिंक राहत भने दिनेनै छ ।’

जिल्लाको लोमान्थाङ,लोघेकर दामोदरकुण्ड,वारागुङ मुक्तिक्षेत्र,घरपझोङ र थासाङका सबै स्थानमा हिमपात भइरहेको छ । वसन्त ऋतुको आगामनसँगै यो वर्ष फागुनको अन्तिम महिनामा हिमपात भएको हो । यसवर्ष हिमाली जिल्ला मुस्ताङमा वर्षकै पहिलो हिमपात भएको लोमान्थाङ गाउँपालिकाका अध्यक्ष टसीनर्बु गुरुङले जानकारी दिए । उनले उपल्लो मुस्ताङमा कोरलानाकासहित अप्परको सबै भेकमा बाक्लो हिमपात भएको उल्लेख गरे ।

मुक्तिनाथ दर्शन तथा मुस्ताङ भ्रमण गर्न आएका आन्तरिक तथा बाह्य पर्यटकसमेत हिउँ अवलोकन गर्दै रमाउन थालेका छन् । बाँक्लो हिमपात परेर केही हप्ता रहन सक्यो भने यसले हिउँ पर्यटनलाई आर्कर्षित गर्ने मुक्तिनाथ होटल ग्राण्ड साम्वलाका प्रोपाईटर सुरज गुरुङले बताए ।

गत वर्ष फागुनको पहिलो हप्ता मुक्तिनाथमा राष्ट्रिय स्की प्रतियोगिता संञ्चालन भएकोमा यसवर्ष प्रतियोगिता आयोजना हुन नसकेको उनले बताए । पर्यटनकर्मी गुरुङले दुईदिन सम्म हिउँ परेमा मुस्ताङमा हिउँ खेल्ने युवापंक्तिको ओइरो लाग्ने दावी गरे ।

बर्सेनि कार्तिदेखि माघ महिनासम्म हिमपात हुने गथ्र्यो ।तर, यसवर्ष मुस्ताङमा हिमपात र वर्षा समेत हुन सकेको थिएन । हिउँ नपर्दा यहाँका कृषकले सिंचाईको भर पर्नु परेको थियो । कतिपय स्थानमा सिंचाईको स्रोत नहुने र हिउँ पनि नपरेकाले खेतीयोग्य जमिन सबै सुख्खा भएका थिए।

ढिलै भएपनि यसवर्षको हिमपातले मुस्ताङका किसानलाई आशिंक राहत प्रदान गरेको कृषि ज्ञानकेन्द्र मुस्ताङका कार्यालय प्रमुख प्रकाश बस्तोकोटीले जानकारी दिए । स्याउ बगैचा व्यवस्थापन र अन्य अन्नबालीको व्यवस्थापनको समयमा हिमपात हुँदा कृषकले लगाएको अन्नबाली फस्टाउने केन्द्र प्रमुख बस्ताकोटीको भनाइ छ ।

अनुकूल समयमा हिमपात नहुँदा सुख्खा बनेका यहाँका खेतीयोग्य जमिनमा हिउँले सिञ्चत गर्न थालेको छ । हिउँदयामको हिउँ कृषकका लागि बरदान सावित हुन्छ । । हिउँदयामको हिउँ सिंचाईलाई मात्रै नभएर कृषकले लगाएको फलफूल तथा अन्नबालीमा लाग्ने विभिन्न रोग संक्रमण र प्रकोप नियन्त्रण गर्न टेवा पु¥याउँदछ । हिउँले स्याउलगायतका अन्नबालीको उत्पादन वृद्धि हुने मार्फाका किसान दिपक लालचनले उल्लेख गरे ।

जलवायु परिर्वतनका कारण हिमाली जिल्ला मुस्ताङमा बर्सेनि असमान प्रकारको हिमपात हुने गरेको छ । कुनै वर्ष भारी मात्रामा हिमपात हुने,कुनै वर्ष आशिंक हिमपात हुने र कुनै वर्ष अनुकूल समयमा हिमपात नै नहुने गरेको छ ।

गतवर्ष मुस्ताङमा १० पुस र १९ माघ महिनामा भारी मात्रामा हिमपात भएको थियो । यस्तै, ४ वर्षअघि मुस्ताङमा भारी हिमपात हुँदा उपल्लो मुस्ताङमा भारी वर्षा हुँदा सयौं याकचौरी र भेडाच्यांग्रा खर्कमा हिउँले पुरिएर मरेका थिए ।

  • साझा परिवेश
  • बुधबार, फाल्गुन २४, २०७९ १२:१५

प्रतिक्रिया

तपाइको प्रतिक्रिया दिनुहोस्