संघीय संसदलाई माग गरेजति नै बजेट दिनुपर्छः अध्यक्ष तिमिल्सिना

काठमाडौँ । राष्ट्रिय सभाका अध्यक्ष गणेशप्रसाद तिमिल्सिनाले आगामी दिनमा संघीय संसदले माग गरे बमोजिमको बजेट विनियोजन हुनुपर्ने बताएका छन् ।

बिहीवार संघीय संसद सचिवालयद्वारा १७ औँ संघीय संसद सेवा दिवसको अवसरमा आयोजित कार्यक्रमलाई सम्बोधन गर्दै अध्यक्ष तिमिल्सिनाले संघीय संसदले माग गरे बमाजिमको बजेट छुट्याउन सरकारको ध्यानाकर्षण गराए । उनले संघीय संसदले बजेट पास गर्ने भएपनि संसदमै बजेट कम भएर आवश्यक कार्यक्रमहरु गर्न नसकिएको भन्दै आवश्यक बजेट दिनुपर्ने बताए । उनले संघीय संसदको लागि योजना आयोग र अर्थ मन्त्रालयले कुनै एउटा मन्त्रालय, विभाग र शाखालाई जस्तो सिलिङ तोकेर बजेट नपठाउन आग्रह गरे ।

उनले भने, ‘संघीय संसदले बजेट पास गर्छ । यसो हेर्दाखेरी बजेट संघीय संसदले पास गर्छ । अनि संघीय संसदमै बजेट कम भएर सप्ताहव्यापी कार्यक्रम पनि खुम्च्याउनुपर्छ । अध्यक्षले पनि यो भन्छ, अझ बिडम्बना त यहाँ हुन्छ । त्यसकारण यसका प्रक्रियागत हिसावले जब हामी शक्ति पृथकिरणको सिद्धान्तलाई आत्मसात् गरेर नै यो संघीय लोकतान्त्रिक गणतन्त्रको संविधान निर्माण गरेका छौँ । त्यसमा विधि निर्माण गर्ने, बजेट पास गर्ने यो थलोको बजेट कुनै एउटा मन्त्रालयले तोकेर विभाग र शाखाको जस्तो बनाउनु हुन्न भन्ने कुरालाई ध्यान त दिनुप¥यो नि । यस हिसाबले आजसम्म जे भयो, भयो भोलिका दिनहरुमा संघीय संसदको बजेट संघीय संसदबाट हामीले प्रक्रियाले व्यवस्थापन र सञ्चालन समितिमा बसेर विभिन्न हाम्रा शाखा, महाशाखाहरुको समस्यालाई हेरेर बजेट गरेर त्यो पनि अस्वभाविक होइन । देशको अर्थतन्त्र हेरेर । तर संसदको अधिवेशनहरु, यसका समितिहरुलाई त चलाउनुप¥यो नि । विधेयकहरुलाई पास गरेर कानुन निर्माण गर्नुप¥यो । त्यसको न्युनतम लाग्ने खर्चहरुको व्यवस्थापनका लागि जे हामी प्रश्ताव गरेका हुन्छौँ, त्यो प्रश्तावमा संघीय संसदको लागि योजना आयोग र अर्थ मन्त्रालयले कुनै एउटा मन्त्रालय, विभाग र शाखालाई जस्तो सिलिङ तोकेर पठाउने होइन । संघीय संसदले प्रस्ताव गरे अनुसारको पास गर्नुपर्छ । त्यति ग¥यो भने यि सबै समस्याहरु, धेरै गुनासाहरु सुन्नुपर्ने स्थितिमा हुँदैन ।’

अध्यक्ष तिमिल्सिनाले संघीय संसदले अस्वभाविक रुपमा बजेट माग नगरेको स्पष्ट पार्दै संसदको अधिवेशन र समितिहरु चलाउनका लागि भने आवश्यक बजेट नघटाइ दिनुपर्ने बताए ।

• संसद विघटन