अब सहकारीहरुलाई सिद्धान्तमा चल्ने बनाउँछौं : सचिव दुवाडी
साझा परिवेश
शुक्रबार, मंसिर २९, २०८० १५:00
सहकारीहरूको लेखा जाँच कडाइका साथ गर्ने
समस्या समाधान माथिल्लो निकायबाट गर्ने
सहकारीहरू सिद्धान्तमा नचल्दा समस्या आयो
काठमाडौं ।।
भूमि व्यवस्था, सहकारी तथा गरिबी निवारण मन्त्रालयका सचिव गोकर्णमणि दुवाडीले सहकारीहरूको लेखा जाँच कडाइका साथ गर्ने बताएका छन् । नेपाल सहकारी पत्रकार समाज (सीजेएन) को १३ औँ वार्षिक साधारणसभालाई सम्बोधन गर्दै सहकारी क्षेत्रका समस्या समाधान माथिल्लो निकायबाट गर्ने बताएका हुन् ।
“सहकारीमा देखिएका समस्या तलबाट सुधार गरेर भएन । लेखा जाँच कडाइका साथ गर्छौं । सुधार अब माथिबाट गर्नुपर्ने देखियो,” उनले भने, “अब हामी ऐन तथा नियम पालना कडाइका साथ गराउँछौं ।” सहकारीहरू सिद्धान्तमा नचल्दा समस्या आएको उनको भनाइ छ ।
सञ्चालक नियममा बाँधिन नचाहाँदा पनि समस्या उत्पन्न भएको सचिव दुवाडीले बताए । सहकारीले अनुत्पादक क्षेत्रमा कर्जा लगानी गर्दा समस्या उत्पन्न भएको उनको भनाइ छ ।
