June 14, 2024 | शुक्रबार, जेष्ठ ३२, २०८१
सुचनाहरु
श्री केश तेल गुणस्तरीय रहेको उत्पादन कम्पनीको दावी घट्यो सुनको मूल्य, आज कतिमा हुँदैछ कारोबार ? कस्तो रहला आजको मौसम ? प्रतिनिधि सभाको बैठक दुई दिन स्थगित मोदीको शपथ ग्रहणमा भाग लिन प्रधानमन्त्री दाहाल आज भारत जाँदै दुर्ब्यशन विरुद्ध रङ्गभर्दै गौरादह जेसीज सुनको मूल्यमा नयाँ कीर्तिमान टी-२० विश्वकप: नामिबियामाथि स्कटल्याण्ड ५ विकेटले विजयी गौरादहमा खुल्यो “दर्पण कला सँसार”…… गृहमन्त्रीले गिरीबन्धुको फाइल खोल्ने होइन, बोल्नपनि सक्नुहुन्न : विश्वप्रकाश शर्मा मोदीको शपथ ग्रहण समारोहमा जाने तयारीमा प्रधानमन्त्री प्रचण्ड सुनको मुल्य अहिलेसम्मकै उच्च बालेनलाई न्यूरोडको फुटपाथ बढाउन दिनुपर्छ, केन्द्रको हस्तक्षेप बन्द गर- महामन्त्री शर्मा प्रतिनिधिसभाको बैठक आज बस्दै, यस्तो छ आजको कार्यसूची स्रोत नखुलेको ६९ लाखसहित चारजना चिनियाँं नागरिक पक्राउ टी–२० विश्वकप क्रिकेटमा अस्ट्रेलियासँग ओमान ३९ रनले पराजित सहकारी ठगि छानबिन संसदीय समितिको पहिलो बैठक शुरु विपद क्षेत्रको रिपोर्टिङमा जाने पत्रकार र स्वयंसेवकलाई तालिम दिइने सेयर बजारमा ५.५८ अंकको गिरावट हावाहुरी र चट्याङसहित पानी पर्ने सम्भावना

सत्यनारायणको फोटो नराखे, कृष्णप्रसादको फुटाइदिन्छौं :आङकाजी

  • Rashila Bhandari
  • सोमवार, माघ २९, २०८० १५:२९
सत्यनारायणको फोटो नराखे, कृष्णप्रसादको फुटाइदिन्छौं :आङकाजी

काठमाडौं । जनजाती नेता आङकाजी शेर्पाले नेपाल पत्रकार महासंघको केन्द्रीय कार्यालयमा पुगेर महासंघका संस्थापक कृष्णप्रसाद भट्टराईको तस्विर फुटाइदिने धम्की दिएका छन् ।

सोमबार केही युवाहरुका साथमा महासंघको केन्द्रीय कार्यालय संचारग्राम पुगेका शेर्पाले सत्यनारायण बहादुर श्रेष्ठलाई पत्रकार महासंघको संस्थापक अध्यक्ष मान्नुपर्ने र उनको तस्विर तत्कालै महासंघ अध्यक्षको कार्यकक्षमा झुन्ड्याउन कर्मचारीलाई चेतावनी दिए । उनले श्रेष्ठको तस्विर संस्थापक अध्यक्ष भट्टराईसँगै नझुण्ड्याए आफूहरुले कार्यकक्षमै पसेर भट्टराईको तस्विर फालिदिने धम्की दिएको कर्मचारीहरुले बताए । शेर्पाले महासंघका कर्मचारीलाई श्रेष्ठको फोटो थमाउँदै भने, ‘अध्यक्षको कार्यकक्षमा भएको कृष्णप्रसाद भट्टराईको फोटो हट्नुपर्यो । होइन भने हामीले फोटो तोड्नुपर्ने अवस्था नआओस् । अध्यक्षको कार्यकक्षमा कृष्णप्रसाद भट्टराईको अगाडि सत्यनाराण बहादुर श्रेष्ठको फोटो राखिएन भने हामी एउटा पनि फोटो बाँकी राख्दैनौं ।’

उनले थपे ‘एक महिनाभित्र यो चेन्ज भएन भने हामीबाट कुनैपनि प्रकारको भौतिक कारबाही हुनसक्छ । यो विवाद हामीले होइन पत्रकार महासंघले निकालेको हो ।’ नेपाल पत्रकार महासंघका पूर्वअध्यक्षहरूको जीवनीमा आधारित पुस्तक ‘अग्र अनुहार’ आदिवासी जनजाति पत्रकार महासंघ (फोनिज)को विरोधकाबीच आइतबार विमोचन गरिएको थियो । सो क्रममा फोनिजका पदाधिकारीहरुले पुस्तक च्यातेर ‘उग्र हर्कत’ देखाएका थिए । यता, नेपाल पत्रकार महासंघ प्रतिष्ठान प्रदेश समितिका अध्यक्ष वालकृष्ण अधिकारीले पुस्तक प्रकाशन गरेर रचनात्मक र सकारात्मक कार्य गरेको प्रतिक्रिया दिएका छन् ।

पुस्तक च्यात्ने कामप्रति दुःख व्यक्त गर्दै उनले तथ्यांकमा नपुगी संगठनको सिमा र बाध्यता विपरीत विमोचनमा भएको हर्कत पत्रकार र पत्रकारिता क्षेत्रका लागि अशोभनीय कुरा भएको बताए ।

  • Rashila Bhandari
  • सोमवार, माघ २९, २०८० १५:२९

प्रतिक्रिया

तपाइको प्रतिक्रिया दिनुहोस्