April 21, 2024 | आइतवार, बैशाख ९, २०८१
सुचनाहरु
रेशम चौधरीको रिट हेर्न नभ्याइनेमा शेयर बजार १२ अङ्कले बढ्याे लुम्बिनी प्रदेश सरकारबाट जसपा बाहिरियाे ढोलाहिटी हत्या घटनामा ५ जनाविरुद्ध मुद्दा दर्ता कतारका अमिर मंगलबार दुई दिने नेपाल भ्रमणमा आउने चामलभित्र लागुऔषध ओसारपसार गर्ने २ जना पक्राउ गृहमन्त्री लामिछानेको सहकारी प्रकरण सत्ता समीकरणसँग जोडिएर आयो : मन्त्री चौधरी विपिन जोशीलाई सकुशल फर्काउन कूटनीतिक पहल भइरहेको छ : प्रधानमन्त्री तत्काल वामपन्थी एकता हुदैन- प्रधानमन्त्री प्रचण्ड विकल पौडेलविरुद्ध मुद्दा दायर उपाध्यक्ष घिमिरे पार्टीका सबै जिम्मेवारीबाट अलग नाउपाको अध्यक्ष विवादको मुद्दा न्यायाधीश भट्टराई र शर्माको इजलासमा विवाहबाट फर्कँदै गर्दा दुर्घटना : नौजनाको मृत्यु सुनको मूल्य स्थिर काठमाडौं उपत्यकाको वायुप्रदूषण अझै अस्वस्थ, आज १६३ एक्यूआइ मापन एसीसी प्रिमियर कप : उपाधिका लागि आज यूएई र ओमान खेल्दै झापाको बिर्तामोडमा कारको ठक्करबाट एक बालकको मृत्यु कुवेतमा श्रम स्वीकृतिबमोजिमको काममा कडाइ हिउँ पहिरोले वीरेन्द्र ताल फुट्दा बुढीगण्डकी नदीमा पानीको उच्च बहाब भक्तपुरमा बाघको आक्रमणबाट एक बालिका घाइते

गाँजा र कोदोको रक्सी खुला गर्ने नीति बनाउन सांसद चन्द्र भण्डारीको माग

  • साझा परिवेश
  • बिहिबार, फाल्गुन १०, २०८० १३:३७
गाँजा र कोदोको रक्सी खुला गर्ने नीति बनाउन सांसद चन्द्र भण्डारीको माग

काठमाडौँ । नेपाली कांग्रेसका सांसद चन्द्र भण्डारीले देशको आर्थिक अवस्था उकास्नलाई स्वदेशी उत्पादनलाई स्वदेशमा खपत हुने व्यवस्था गर्न माग गरेका छन् । बिहीबार प्रतिनिधिसभा बैठकको विशेष समयमा बोल्दै उनले नेपालभित्रका सामग्री उपभोगको राष्ट्रिय नीति बनाउन माग गरे ।

उनले ७० वर्ष पुगेका सालका रुख काट्ने व्यवस्था गर्दा देशले अरबौँ रुपैयाँ आम्दानी गर्ने उल्लेख गरे । सङ्घ, प्रदेश र स्थानीय तहका कर्मचारीलाई कपडा खरिद गर्न वार्षिक पौने ६ अरब खर्च हुने गरेको बताउँदै त्यसमा नेपाली अल्लोको कपडा, अल्लोको कोट लगाऊ भनेर नीति मात्रै बनाइदिने हो भने सो रकम बच्ने बताए ।

उनले भने– ‘मदिरा पान गर्दिन भन्ने कोही छैन, हरेक टोल टोलमा विदेशी मदिरा बढेको छ । हाम्रो गाउँमा कोदो हुन्छ, फापर हुन्छ, हाम्रो स्थानीय तहलाई ट्रेडमार्क दिएर कोदाको रक्सी बनाउन दियो भने २ अरबभन्दा बढी नेपाली पैसा बच्दो रहेछ । जसले किसानले रोजगारी पाउँथे, यो कुरामा हामी किन छैनौँ ? किन यसको बारेमा छलफल हुँदैन ?’

सांसद भण्डारीले दक्षिण कोरियाका राष्ट्रपति पार्कले आफ्नो देशका २० हजार नर्सहरूलाई जर्मन पठाएर उनीहरूको तलबलाई सरकारले ऋणको रूपमा लिएर सो देशको विकास सुरु गरेको भण्डारीले बताए । अहिले नेपालमा नर्स पढ्ने कलेजहरू बन्द गरिदिएको अवस्था रहेको बताउँदै यो देशमा डाक्टर बन्न नदिने अवस्था रहेको उल्लेख गरे ।

उनले भने– ‘यदि हामीले डाक्टर, इन्जिनियर पढाएर विदेश पठाएर उनीहरूबाट ऋण लिएर यो मुलुक बनाउन सक्थ्यौँ । यसरी मुलुक बनाउने सोच हामीसँग छैन । आज देशमा युवाहरू छैनन् भन्छौँ, आज देशमा युवाहरू बस्न नसक्ने वातावरण कसले बनायो त ? हाम्रा नीतिहरूले बनाए । हामीले समय अनुसारका नीति बनाउन सकेनौँ ।’

उनले यस्ता विषयमा सबै गम्भीर हुन आवश्यक रहेको बताउँदै आजको दिनमा गाँजा खेती रोक्न आवश्यक नभएको बताए । कानुन बनाएर गाँजाको खेती गर्न दिन आग्रह गर्दै अमेरिकाको न्यूयोर्क सिटीको मेयरले गाँजा खान दिइरहेको बताए । विदेशबाट प्लेनमा पैसा ल्याउन रोक लगाउने नीति पनि ठिक नभएको उल्लेख गरे ।

  • साझा परिवेश
  • बिहिबार, फाल्गुन १०, २०८० १३:३७

प्रतिक्रिया

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।