ह्वाट्सएप अकाउन्टसँग आफ्नो इमेल ठेगाना कसरी जोड्ने ?
साझा परिवेश
सोमवार, चैत्र १२, २०८० १0:२२
लोकप्रिय मेसेजिङ एप ह्वाट्सएपले प्रयोगकर्तालाई आफ्नो ह्वाट्सएप अकाउन्टमा इमेल ठेगाना पनि जोड्ने सुविधा प्रदान गरेको छ ।
यो फिचरले प्रयोगकर्ताले एसएमएसबाट ओटिपी भेरिफिकेसन कोड प्राप्त गर्न असमर्थ हुने अवस्थामा इमेलबाटै त्यस्तो कोड प्राप्त गर्न सहजता प्रदान गर्दछ ।
यो फिचर आइफोन प्रयोगकर्तालाई उपलब्ध भैसकेको छ भने एन्ड्रोइडमा चाहिँ पछिल्लो बेटा भर्सनमा उपलब्ध छ ।
यदि तपाईं एन्ड्रोइड फोन प्रयोग गर्नुहुन्छ र ह्वाट्सएपको यो फिचर प्रयोग गर्न चाहनुहुन्छ भने गुगल प्ले स्टोरमा गएर ह्वाट्सएप बेटा कार्यक्रममा जोडिनुपर्छ । यसका लागि ह्वाट्सएप खोज्नुहोस् र त्यहाँबाट beta tester program मा जोडिनुहोस् ।
ह्वाट्सएप अकाउन्टसँग आफ्नो इमेल ठेगाना कसरी जोड्ने ?
आफ्नो डिभाइसमा ह्वाट्सएप एप्लिकेसन खोल्नुहोस्
दायाँ भागको माथिपट्टि छेउँमा रहेको तीनवटा थोप्लावाला मेन्यूमा ट्याप गरेर Settings मा जानुहोस्
Settings मेन्यूबाट Accounts अप्सन छान्नुहोस्
उक्त खण्डभित्र Email Address अप्सन छान्नुहोस्
त्यहाँ तपाईंले ह्वाट्सएपसँग जोड्न चाहेको आफ्नो इमेल एड्रेस हाल्नुहोस्
त्यसपछि तपाईंले सोही इमेलमा One-Time Password (OTP) प्राप्त गर्नुहुनेछ ।
उक्त ओटिपीलाई ह्वाट्सएपमा दिइएको सम्बन्धित ठाउँमा हालेर भेरिफाइ गर्नुहोस् ।
यसो गरेपछि तपाईंको इमेल ठेगाना ह्वाट्सएप अकाउन्टसँग जोडिनेछ ।
