धुलिखेलका अधिकांश पसलमा भेटीयो म्याद गुज्रिएका सामान, तिराइयो यस्तो जरिवाना
साझा परिवेश
बिहिबार, चैत्र १४, २०८१ 0७:३२
धुलिखेलका अधिकांश किराना पसलमा म्याद गुज्रेका खाद्य सामग्री तथा पेयपदार्थ फेला परेका छन्। बजार अनुगमनका क्रममा यस्ता सामाग्री फेला परेका हुन् । उपभोक्ताको स्वास्थ्यसँग खेलबाड गर्ने यस्ता व्यापारीहरूलाई कारबाहीस्वरूप जरिवाना तिराइएको छ भने अवैध सामग्री नष्ट गरिएको छ।
स्थानीय प्रशासन र उपभोक्ता हित संरक्षण अधिकृतहरूको टोलीले गरेको अनुगमनमा २५ वटा किराना पसल जाँच गरिएको थियो। तीमध्ये केही पसल बिना दर्ता नै सञ्चालन भइरहेको पाइएको छ। व्यवसाय सञ्चालनका लागि कानूनी प्रक्रिया पूरा नगरी सञ्चालनमा रहेका ती पसललाई सुधार गर्न चेतावनी दिइएको छ।
यस क्रममा, म्याद गुज्रेका सामान बेच्ने व्यापारीलाई जरिवाना तिराइनुका साथै उपभोक्तालाई सुरक्षित र गुणस्तरीय सामग्री उपलब्ध गराउन कडाइ गरिने प्रशासनले जनाएको छ।
