तीनकुनेमा तोडफोड र लुटपाट मच्चाउनेहरु नामावली यस्तो छ

जिल्ला प्रहरी परिसर काठमाडौँले तीनकुने घटनामा आपराधिक गतिविधि गरेको आरोपमा ४१ जनाविरुद्ध अनुसन्धान अगाडी बढाएको छ।
जिल्ला अदालत काठमाडौँले शुक्रबारयता पक्राउ परेका सबैलाई मंगलबारसम्म थुनामा राख्न पहिलो पटक अनुमति दिएको छ।
अब प्रहरीले थप हिरासतमा राखेर अनुसन्धान गर्न बुधबार पुनः अदालतमा उपस्थित गराउनु पर्नेछ।
पक्राउ पर्नेमा राष्ट्रिय प्रजातन्त्र पार्टीका वरिष्ठ उपाध्यक्ष रवीन्द्र मिश्र, महामन्त्री धवलशमशेर राणासहित ४१ जना छन्। पहिलो पटक म्याद थपिएका ४१ जनामध्ये ११ जनालाई तीन वटा कसुरमा अनुसन्धान अगाडी बढाइएको छ।

पक्राउ पर्नेहरूमा राप्रपा नेता रवीन्द्र मिश्र, सांसदसमेत रहेका धवल शमशेर राणा, झापाका पुष्कर खतिवडा, रूपन्देहीका गोपाल मल्ल, लमजुङका मनिन्द्र राजभण्डारी, झापाका गोपीकृष्ण खड्का, सुनसरीका सन्तोष चौधरी, झापाका रामकुमार धिमाल, काठमाडौंका पशुपति खड्का, जुम्लाका हरिहर चौलागाईं, तनहुँका विष्णु पराजुली रहेका छन् ।

यस्तै, स्याङ्जाका देवबहादुर थापा मगर, रौतहटका राज ठाकुर, काठमाडौंका प्रसिद्ध मल्ल, रुकुमका विकास ओली, महोत्तरीका सुदर्शन थापा, खोटाङका डा। राजकुमार राई, खोटाङकै भगवती रोक्का, उदयपुरका नबिन ढकाल, सप्तरीका आलोक पराजुली, रौतहटका इरफान खान, सिन्धुपाल्चोकका गणेशबहादुर गुरुङ, काभ्रेका विवेक खनाल, बाराका उपेन्द्र साह, मकवानपुरका कृष्णकुमार बस्नेत, चितवनका जीवन पुरी, कैलालीका गणेश प्याकुरेल, दोलखाका सरुन थापा, काठमाडौंका श्रवण लामा, रामेछापका स्टन लामा, नुवाकोटका सुशीला कुमाल पनि पक्राउ परेका छन् ।

त्यस्तै, सिन्धुपाल्चोककी निर्मला कार्की, सुनसरीकी ऐलिसा राई, सुर्खेतका भबिन्द्र बिसी, धादिङका आशिष तामाङ, गुल्मीका लिला राणा, सिन्धुलीकी चित्रमाया बस्नेत, सिन्धुलीकै सुस्मिता बराल, बझाङका निराजन गिरी, दोलखाका प्रेम बहादुर र कालिकोटका मनिष कुमार शाही पनि पक्राउ परेका छन् ।

• संसद विघटन