शुक्रबार मध्यरातमै सयौंको संख्यामा ऊकाठमाडौंको पुतलीसडकमा युवाहरु भेलाभए । विभिन्न भाषा, तयारी कक्षा, कलेजका विद्यार्थीहरु एक्कासी सडकमा बिहान २ बजेदेखी नै त्यहाँ जम्मा भएका थिए ।
आखीर युवाहरु एक्कासी रातिनै किन आए त सडकमा?
नेपाली एसेसरिज ब्रान्ड अल्टिमा लाइफस्टाइलको एउटा ‘अफर’का कारण उनीहरू त्यहाँ जम्मा भएका हुन् ।
३६० रुपैयाँमै इयरबड्स पाइने भएपछि अल्टीमाको पसल अगाडि मानिसहरुको भिड लाग्यो , उक्त भिड नियन्त्रण गर्न प्रहरीलाईसमेत हम्मे हम्मे पर्यो । करिब ३५ सय रुपैयाँ पर्ने इयरबड्सलाई नयाँ वर्षका अवसरमा ३६० मै उपलब्ध गराइने सामाजिक सञ्जालमा प्रचारप्रसार भएरएपछि आफूहरू खरिद गर्न आएको त्यहाँ लाइन लागेका युवाले बताएका छन् ।
पहिला उपस्थित हुने ८२ ग्राहकले मात्र ३६० रुपैयाँमा इयरबड्स पाउने प्रचार गरिएको छ । त्यही कारण पुतलीसडकमा यति बेला युवाको भीड देखिएको छ । भीडका कारण ट्राफिक व्यवस्थापनमा पनि असहज स्थिति भएको छ ।
सो भीडमा युवाले युवाले प्रधानमन्त्री केपी शर्मा ओलीविरुद्ध नाराबाजी समेत गरेका छन् । उनीहरूले काठमाडौं महानगरपालिकाका मेयर बालेन्द्र शाह (बालेन)का पक्षमा नारा लगाएका छन् ।
