माइतीघरमा नाराबाजी गरेका अमेरिकी नागरिक फर्किए आफ्नै देश
साझा परिवेश
बुधबार, बैशाख ४, २०८२ २0:४0
माइतीघर मण्डलामा कुलमान घिसिङको बर्खास्तीको विरोधमा गरिएको प्रदर्शनमा सहभागी भएका अमेरिकी नागरिक जुलियन किर्पाललाई नेपाल सरकारले डिपोर्ट गरेको छ।
५८ वर्षीय किर्पाल पर्यटक भिषामा नेपाल आएका थिए। तर, उनी भिषा प्रयोजन विपरीतको गतिविधिमा संलग्न रहेको भन्दै प्रहरीले पक्राउ गरी अध्यागमन विभागको जिम्मा लगाएको थियो। चैत्र १४ गते माइतिघर मण्डलामा नारावाजी गर्दै गर्दा , एक नेपाली संचारकर्मीले उनको अन्तरवार्ता लिदै थिए ।उनि बोल्दै गर्दाको अवस्थामा प्रहरीले पक्राउ गरेको थियो ।
अध्यागमन विभागका महानिर्देशक गोविन्द रिजालका अनुसार, किर्पालले प्रदर्शनमा नाराबाजी गरेर अध्यागमन ऐन उल्लंघन गरेकाले उनलाई अमेरिका फिर्ता पठाउने निर्णय गरिएको हो।
उनलाई आफैंले हवाई टिकटको व्यवस्था गर्न लगाएर अमेरिका फिर्ता पठाइएको हो।
