ताप्लेजुङमा शौचालय गएका योगेशलाई घेरेर नाराबाजी गरेपछी भट्टराई भन्छन्- मलाई दुःख लागेको छैन

नेकपा एमालेका सचिव योगेश भट्टराई गृह जिल्ला ताप्लेजुङ गएका बेला ‘नो केबलकार’ समूहले उनी विरुद्ध नाराबाजी गरेको छ। कञ्चनजङ्घा हिमालमा मानव पाइला परेको ‘हीरक महोत्सव’का अवसरमा सचिव भट्टराई ताप्लेजुङ पुगेका थिए।

संस्कृति, पर्यटन तथा नागरिक उड्डयन मन्त्री बद्री पाण्डेसँगै भट्टराई हेलिकप्टरमार्फत ताप्लेजुङको फक्ताङलुङ गाउँपालिका–६ लेलेप पुगेका थिए। शुक्रवार कार्यक्रम सकेर मन्त्री पाण्डे फर्किसकेपछि भट्टराई कञ्चनजङ्घा संरक्षण क्षेत्र व्यवस्थापन परिषद्को शौचालय गएका थिए।

भट्टराई शौचालय पुगेलगत्ते ८र१० जनाको संख्यामा रहेको पाथीभरा केबलकारको विरोध गरिरहेको ‘नो केबलकार समूह’ र ‘पहिचानवादी समूह’ले नाराबाजी गरेको हो। जसबाट उनी केही बेर शौचालयमा थुनिन पुगेका थिए।
यस बिषयमा भट्टराईले आफ्ना विरुद्धमा दुई चार जनाले नारा लगाए पनि आफूलाई कुनै दुःख नलागेको बताएका छन्।

त्यसबारे उनले भनेका छन्, ‘कार्यक्रम सकेर फर्कनेक्रममा २र४ जनाले मेरा विरुद्ध नारा लगाएछन् । नेपाली जनताको लामो संघर्षबाट प्राप्त लोकतान्त्रिक अधिकारको प्रयोग गरेछन् । मलाई कुनै दुःख छैन । सवाल विरोध वा समर्थन सभ्यताको सीमाभित्र हुनु पर्दछ ।’

उनीमाथि नो केबलकार समूहले नाराबाजी गरेका थिए। उनले थपेका छन्, ‘जसले जति जानेको छ वा जे गर्न लगाइएको छ त्यति नै गर्ने हो । मेरो आग्रह विवेकले काम गरौँ । प्रायोजकहरूको हतियार नबनौँ । सामाजिक एकता र सद्भाव नबिगारौँ ।’

• संसद विघटन