कोशी प्रदेशका कप्तान तथा हेलिकप्टर सटका लागि चर्चित क्रिकेटर सिद्धान्त लोहनी दुई वर्षअघि जनकपुरमा भएको खेलमा गम्भीर घाइते भएका थिए। सन् २०२३ मा जनकपुरमा भएको महेन्द्रनारायण निधी टी–२० राष्ट्रिय प्रतियोगिता खेल्दै गर्दा उनी फिल्डिङको क्रममा घाइते भएका थिए । त्यसयता उनले पाँचपटक सर्जरी गराइसकेका छन्, तर अझै पूर्णरूपमा स्वास्थ्यलाभ गर्न सकेका छैनन्।
नेपालका तर्फबाट सन् २०१५मा अन्तराष्ट्रिय क्रिकेटमा डेव्यु गरेका सिद्दान्त लोहनीले आफ्नो डेव्यु खेलमा नै हेलिकप्टर सट प्रहार गरेर चर्चा कमाएका थिए ।
आफ्नो स्वास्थ्यमा गम्भिर समस्या आउदा समेत आफूलाई नेपाल क्रिकेट संघ (क्यान)ले कुनै सहयोग नगरेको भन्द्यै पोखेपछी बल्ल क्यानले लोहनीलाई ५ लाख रुपैयाँ आर्थिक सहयोग उपलब्ध गराउने भएको छ । क्यानका प्रवक्ता छुम्बी लामाले विज्ञप्ति जारी गर्दै लोहनीलाई उपचारका लागि ५ लाख रकम उपलब्ध गराउने निर्णय भएको जानकारी गराएका छन् ।
भारतको गुरुगाउँमा घुँडाको शल्यक्रिया गराएका उनको उपचार अझै जारी छ । अहिले उनी थेरापी गरिरहेका छन् ।
