बिल गेट्सले आफ्नो सबै सम्पत्ति २० बर्ष भित्र दान दिदै
साझा परिवेश
शुक्रबार, बैशाख २७, २०८२ २१:३५
विश्वकै धनाढ्य बिल गेट्सले आफ्नो सबै सम्पत्ति दान गर्ने घोषणा गरेका छन्। उनको आफु धनी भएर मर्ने इच्छा छैन त्यसैकारण उनले आगामी २० वर्षभित्र आफ्नो लगभग २०० अर्ब डलर सम्पत्ति बाँड्ने योजना बनाएको सीएनएनले समाचारमा उल्लेख गरेको छ।
आफू धनी भएर मर्न नचाहेको बताउँदै उनले गरिबहरूका लागि २०० अर्ब डलर दिने बताएका हुन्। उनले शिशु, बालबालिका र महिलाको उपचारयोग्य रोगबाट मृत्यु रोक्न चाहेको उल्लेख गरेका छन्। फाउन्डेशनले २५औं वार्षिकोत्सवमा पहिले नै १०० अर्ब डलर दान गरिसकेको छ।
समाचारका अनुसार उनले आगामी डिसेम्बर ३१, २०४५ मा गेट्स फाउन्डेसन पनि बन्द गर्ने योजना बनाएका छन्। राष्ट्रपति डोनाल्ड ट्रम्पको प्रशासनले स्वास्थ्य, विदेशी सहायता र अन्य सार्वजनिक सहायता कार्यक्रमहरूको लागि कोष कटौती गर्न काम गरिरहेको बेला यो घोषणा आएको हो।
