रामकुमारीले भोट होईन गुल्मेली जनताका सामु माफी माग्नु पर्छ: युवा नेता अर्याल

गुल्मी । आज गठबन्धनका उम्मेदवार रामकुमारी झाक्रीको माइती गाउँ मदाने गाउपालिकामा आयोजित एमालेको कार्यकर्ता भेलामा प्रेस चौतारी नेपालका पूर्व केन्द्रिय अध्यक्ष तथा नेकपा एमालेका युवा नेता राजेन्द्र अर्यालले गुल्मी क्षेत्र नम्बर–२ की उम्मेदवार एकीकृत समाजवादीकी नेतृ झाँक्रीले गुल्मेली जनताकाबिच माफी माग्नुपर्ने बताएका छन्।

गठबन्धन सरकारले जनताको ढाड सेक्नेगरी मूल्यवृद्धि हुदा मुकदर्शक मात्र होईन चुनावलाई लक्षित गर्दै ब्यापारीलाई साथ दिदै मूल्यवृद्धि गर्न उद्द्त रहेको अर्यालले दावी गरे । उनले गठबन्धन जनाताबिरोधी र राष्ट्रियता बिरोधि कार्यमा उद्द्त रहेकोले गठबन्धनका उम्मेदवारलाई मत नदिन आग्रह गरे।

झाक्रीको माईती गाउँ मदाने गाउँपालिका सिर्सेनीमा आयोजित एमालेको चुनावी कार्यक्रममा युवा नेता अर्यालले एमालेको मतबाट साम्सद बन्ने अनि एमालेको सरकार ढलाएर प्रतिक्रियाबादीको पाउमा चढाउने कार्य गरेको, एमसिसी पास गरेर राष्ट्रघाती काम गरेको, नागरिकता विधेयकमा ल्याप्चे लगाएर जनघाती काम गरेकोले मत माग्ने नैतिकता नभएको बताए ।

त्यस्तै गुल्मेली एमाले कार्यकर्तालाई आधारशिला बनाएर पाँच बर्ष साम्सद बनेकी झाक्रीले यो बीचमा गुल्मी-२ मा बिकासको सिन्को सम्म नभाचेको, कोरोना देखि बाढीपहिरोबाट गुल्मेली जनता पीडित हुँदा कुनै वास्ता पास्ता र सरोकार नगर्ने तर अहिले भोट माग्न आउने हास्यास्पद भएको भन्दै अर्यालले गुल्मीका जनताको सुखदु:खमा साथ दिन नपाएको, साम्सद भएर पनि बिकासमा ध्यान नदिएको र पार्टीको मत लिएर पार्टी बिभाजन गर्ने अपराधपुर्ण कार्य गरेकोमा माफी माग्नु पर्ने बताए।

गुल्मी जिल्लाका बिभिन्न स्थानमा मतदाता घरदैलो कार्यक्रममा अर्यालले नेपालीका मुख्य महान चाडपर्व मनाउन आएकी झाँक्रीलाई गुल्मेलीले अब पाहुर (कोसेली) दिएर पठाउनु पर्ने बताए।

उनलाई मत दिनुपर्ने कुनै पनि आधार नभएकाले चेलीलाई सोलीमा पाहुर राखेर पठाउनु आग्रह गरे । पाँच वर्षसम्म सांसद हुँदा जिल्ला वासीका लागि कुनैपनि सिन्को नभाँच्नेले अब निर्वाचित भएर काम गर्नु भन्नु मतदाता छक्काउनु मात्रै भएको बताए।

ठूला विपत्ति महामारीमा आफ्नो जिल्लावासीका लागि कुनैपनि सहानुभूति नदेखाएकी झाँक्रीले काम गर्न पाइन भन्नु झुटको खेती मात्रै भएको अर्यालले बताए । चुनावी अभियानमा आफुले निर्वाचन जित्ने कुनैपनि वातावरण नदेखेपछि गठबन्धनका उम्मेदवार र नेताहरु बिभिन्न भ्रम फैलाउने षड्यन्त्रमा लागेको उनले बताए ।

• संसद विघटन