प्रदेश १ को नाम कोशी प्रदेश राखिएकोमा पहिचानवादीहरुको विरोध

गणेशकुमार श्रेष्ठ (ताप्लेजुङ )
प्रदेश नं. १ प्रदेश सभाले ६ वर्ष पछि गरेको नामाकरणको ताप्लेजुङका पहिचानवादी दलहरुले विरोध गरेका छन् । प्रदेश सभाले हिजो १७ गते प्रदेशको नाम कोशी प्रदेश नामाकरण गरेको थियो । उक्त नामाकरणको आज ताप्लेजुङमा पत्रकार सम्मेलन गरेर विरोध जनाएका हुन् ।
प्रेश विज्ञप्तीमा भनिएको छ– दश वर्षे जनयुद्ध २०६२÷६३ को जन आन्दोलन, मधेश जनविद्रोह, लिम्वुवान, थारुहट, महिला, मुश्लिम र सम्पूर्ण उत्पिडित जाती वर्ग, क्षेत्रका जनताको बलिदानीपूर्ण संघर्षको परिणाम स्वरुप नेपालमा संघीय लोकतान्त्रिक गणतन्त्र स्थापना भयो । त्यो युगान्तकारी परिवर्तन पछि जारी भएको संविधानले नेपाललाई बहुभाषिक, बहुधार्मिक, बहुसांस्कृतिक र क्षेत्रिय रुपले विविधतायुक्त मुलुकको रुपमा स्वीकार गरेको छ । तर यसको मूल मर्म विपरित २०७९ फाल्गुण १७ गते प्रदेश १ प्रदेश सभा बैठकबाट छापामार शैलीमा प्रदेश १ को नामाकरण गरिएको छ । त्यस प्रति हाम्रो गम्भिर असहमति रहको छ ।
संघिय लोकतान्त्रिक राष्ट्रिय मञ्च, राष्ट्रिय जनमुक्ति पार्टी, जनता पार्टी नेपाल, किराँत याक्थुङ चुम्लुङ, किराँत धर्म उत्थान संघ ताप्लेजुङद्वारा संयुक्त रुपमा निकालिएको प्रेश विज्ञप्तीमा पहिचानको आधारमा नामाकरण गर्नुपर्ने माग गरिएको भए पनि नाम के हुनु पर्ने भन्ने खुलाइएको छैन ।

• संसद विघटन