ललितपुर मेयर वुमन्स च्याम्पियनसिप टी-२० क्रिकेट प्रतियोगितामा विभागिय टिम एपिएफ अपराजित रहँदै फाइनल प्रवेश गरेको छ। एपिएफले समूहचरणका सबै चार खेलमा जित निकालेको हो।
मंगलबार टियू मैदान कीर्तिपुरमा भएको खेलमा एपिएफले आयोजक ललितपुर मेयर्स ११ लाई ३७ रनले पराजित गर्दै फाइनलमा स्थान बनाएको हो। साविक च्याम्पियन समेत रहेको ललितपुर अन्तिम खेल अगावै फाइनल पुगिसकेको थियो। तर अन्तिम खेलमा पनि उसले आफ्नो प्रभावसालि प्रदर्शनलाई जारी राख्यो।
टस जितेर पहिले ब्याटिङ गरेको एपिएफले निर्धारित २० ओभरमा ६ विकेट गुमाएर ११० रन बनाएको थियो। उसका लागि राजमती ऐरीले सर्वाधिक ४१ रन बनाउँदा कप्तान सिता रानामगरले १९ रन बनाएकी थिइन। त्यस्तै विनु वुडाले १२ रन बनाइन। ललितपुरका लागि सिमाना केसी र सृष्टि जैसीले समान २-२ विकेट लिए।
१ सय ११ रनको लक्ष्य पछ्याएको ललितपुर एपिएफका बलरसामू खुलेर खेल्न असफल भयो। उसका लागि सोनी पाख्रिनले १५ रन बनाउनु सर्वाधिक रह्यो। उनि बाहेक लक्ष्मि चौधरी र सिमना केसीले समान १०-१० रन बनाए। एपिएफका लागि राजमति ऐरी र विनु वुढाले समान २-२ विकेट लिएका थिए।
