पथरीशनिश्चरेमा संस्कृतिको संरक्षण गर्न निःशुल्क च्याब्रुङ नृत्य प्रशिक्षण
साझा परिवेश
आइतवार, चैत्र २६, २०७९ १४:२२
विराटनगर । पथरीशनिश्चरे नगरपालिकाले वडाबाट नै च्याबु्रङ नृत्य संरक्षणको अभियान थालेको छ। पथरी शनिश्चरे नगरपालिका वडा नं. ८ को सहयोग तथा किरात फाल्गुनन्द युमा माङ्हीमको समन्वयमा लिम्बुहरुको परम्परागत रुपमा रहेको प्रसिद्ध च्याबु्रङ (केलाङ) नृत्यको संरक्षण र पुस्तान्तरणको अभियान थालनी भएको वडा सदस्य झमकबहादुर लिम्बुले जानकारी दिए। लोक संस्कार र संस्कृति हराउँदै जान थालेपछि पालिकाले अभियानको रुपमा बाजा, नृत्यको संरक्षण काम थालनी भएको उनले बताए । एक महिना सम्म संचालन हुने प्रशिक्षणको शुभारम्भमा स्थानीय जनप्रतिनिधिहरु सहभागी थिए । वडा नम्बर ८ का वडा अध्यक्ष नवीन कार्की, वडा सदस्य झमकबहादुर लिम्बु, बाबुराम चौधरी र शान्ता योङ्हाङ लगायतले च्याब्रुङ संरक्षणको दायित्व वडा र पालिकाको हुने बताए । वडामा अहिले वडाध्यक्ष कार्कीको पहलमा माङ्हिममा लिम्बु भाषा पठनपाठन भइरहेको छ भने पाठशालाको लागि पक्की भवन समेत निर्माण भएको छ ।
