२ करोड मागेको अडियो प्रकरणमा जोडिएकाहरूविरुद्ध रविले अख्तियारमा उजुरी दिने

चितवन । राष्ट्रिय स्वतन्त्र पार्टी (रास्वपा) का सभापति रवि लामिछानेले मेडिकल व्यवसायी दुर्गा प्रसाईंसँग २ करोड मागिएको अडियो प्रकरणमा जोडिएकाहरूविरुद्ध अख्तियार दुरुपयोग अनुसन्धान आयोगमा उजुरी दिने बताएका छन्।

आगामी वैशाख १० मा हुने उपनिर्वाचनमा चितवन- २ का उम्मेदवार समेत रहेका रास्वपा सभापति लामिछानेले २ करोड मागिएको अडिओ प्रकरणमा जोडिएका आफ्नो पार्टीका नेता, सांसद्लगायत सबैविरुद्ध अख्तियारमा उजुरी दिने बताएका हुन्।

चितवन- २ मा चुनावी अभियानका क्रममा रहेका लामिछानेले सोमबार सभामा बोल्दै उनले यस्तो बताएका हुन्। ‘जसले, जसले गल्ती गरे पनि कारबाही गर्न सक्छु भन्ने छाती लिएर हिँडेको छ, उसलाई कसैको डर छैन, कसैलाई बचाउनु छैन। मेरै नजिकका मेरै वरपर बसेका मान्छेहरूलाई आरोप लागेको छ’, उनले भने, ‘आज म आफैँ अख्तियारमा निवेदन दिनेछु। मेरै वरपर भएका ती मान्छे को हुन्? छानबिन गर्नु, कारबाही गर्ने जिम्मा हामी पनि लिन्छौँ। सबैभन्दा ठूलो कारबाही गर्नू, निर्मम भएर कारबाही गर्नु भनेर हामीले भनेका छौँ।’

यता, उपप्रधान एवम् गृहमन्त्री नारायणकाजी श्रेष्ठले सार्वजनिक भएको अडियोबारेमा छानबिन हुने बताएका छन्।

• संसद विघटन