निश्चल बस्नेतको ‘दिमाग खराब’ तिहारमा प्रदर्शन हुने
साझा परिवेश
बिहिबार, चैत्र ३०, २०७९ १२:४८
काठमाडौं । निर्देशक निश्चल बस्नेतको आगामी फिल्म ‘दिमाग खराब’ तिहारको अवसरमा कात्तिक २४ गते प्रदर्शन हुने भएको छ । ‘नागरिक भर्सेस शक्ति’बीचको कथावस्तुमा बन्न लागेको फिल्ममा आफूले निर्देशकको जिम्मेवारी सम्हाल्न लागेको निश्चलले जानकारी दिएका छन् ।
जेठ पहिलो सातादेखि छायांकन सुरु हुने फिल्मको निर्माण रौनकविक्रम कँडेलले गर्ने भएका छन् । यो सोसल ड्रामा फिल्मको कलाकार भने तय भइसकेका छैनन् । आकाश बरालको पटकथा रहेको फिल्मको स्क्रिप्ट डाक्टरको रुपमा निर्देशक मनोज पण्डित अनुबन्धित भएका छन् ।
पण्डितले यो फिल्म निर्देशक निश्चल बस्नेतको लागि ‘लुटपछिकै कमब्याक’ हुने बताए ।
‘यसपटक सामान्य मान्छेको दृष्टिकोणबाट कथा भनिनेछ ।
दिमाग खराबले सबै नेपालीको आजको मनोविज्ञानको प्रतिनिधित्व गर्छ किनभने आज नेपालीहरुको दिमाग खराब भइरहेको छ ।
यो समकालीन फिल्म हो,’ उनले भने ।
निर्देशक बस्नेत निर्देशित ‘लुट’ २०६९ र ‘लुट २’ २०७४ सालमा रिलिज भएका थिए ।
