द्न्द्धकालीन मुद्धाको विषय समाधान हुन्छ : प्रधानमन्त्री
साझा परिवेश
बिहिबार, जेष्ठ ४, २०८० १४:४५
काठमाडौं । प्रधानमन्त्री पुष्पकमल दाहाल ‘प्रचण्ड’ ले शान्ति प्रक्रिया र न्यायका सबै कामहरू बृहत शान्ति सम्झौताको भावना अनुरूप समाधान गर्ने बताएका छन् ।
बिहीबारको प्रतिनिधिसभा बैठकमा सांसदहरूको प्रश्नउत्तर कार्यक्रममा बोल्दै उनले वेपत्ता पारिएका व्यक्तिहरू छानविन आयोग र सत्यनिरुपण तथा मेलमिलाप आयोगका सिफारिस समेतका आधारमा जनयुद्ध र अपांगता भएकाहरूको पुनर्स्थापना र परिपूरणका कार्यलाई प्राथामिकता साथ अघि बढाइने बताए । उनले यसम्बन्धी विधेयक संशोधन प्रक्रियामा रहेको पनि जानकारी दिए ।
“यो विषयमा बृहत राजनीतिक सहमतिको निम्ति निरन्तर प्रयास गरेको कुरा जानकारी गराउँछु । किनकी हालसम्म आउँदा जे जति परिवर्तन भएको छ त्यसमा सहमत राजनीतिक दलहरूको सहमतिमा विधेयक पारित गर्ने र यो कार्यलाई निकास दिन सरकार दृण संकल्पमा रहेको जानकारी गराउँछु,” उनले भने ।
बैठकमा सांसद पूर्णबहादुर घर्तीले बृहत शान्ति सम्झौताको काम र शान्ति प्रकृयाको १८ वर्ष पुग्दा पनि द्न्द्धकालीन मुद्धाको विषय कहिले टुंगिन्छ र सरकारले के भन्दै प्रश्न उठाएका थिए ।
