राष्ट्रिय परिचयपत्र लिन जाँदा फेरी बायोमेट्रिक्स लिने
साझा परिवेश
आइतवार, असार २४, २०८० १३:२६
राष्ट्रिय परिचयपत्र लिन जाँदा केहीले पुनः बायोमेट्रिक्स दिनुपर्ने
समस्या देखिएकोले एनआईडी लिनजाँदा बायोमेट्रिक्स लिनुपर्ने
ललितपुर जिल्लामा यस्तो समस्या बढी
काठमाडौं।।
राष्ट्रिय परिचयपत्र (एनआईडी) लिन जाँदा केहीले पुनः बायोमेट्रिक्स दिनुपर्ने भएको छ । प्राविधिक समस्याका कारण यस्तो गर्नु परेको गृह मन्त्रालयले जनाएको छ । राष्ट्रिय परिचयपत्रको लागि सुरुमा फाराम भर्दा नै सम्बन्धित निकायले बायोमेट्रिक्स लिने गर्छ । तर केही व्यक्तिको बायोमेट्रिक्समा समस्या देखिएकोले एनआईडी लिनजाँदा पुनः लिनु परेको गृहले जनाएको छ ।
“केही व्यक्तिको सुरुमा लिइएको बायोमेट्रिक्स प्राविधिक समस्याका कारण ‘विथहेल्ड’ मा बसेको हुन्छ । यस्ता व्यक्तिहरुले एनआईडी लिनजाँदा पुनः बायोमेट्रिक्स दिनुपर्छ । एनआईडी लिनजाँदा सबैले पुनः बायोमेट्रिक्स दिनुपर्छ भन्ने होइन,“ गृह मन्त्रालयको नागरिकता तथा राष्ट्रिय परिचयपत्र व्यवस्थापन शाखाका उपसचिव कृष्णबहादुर कुटवालले बताए । खासगरी ललितपुर जिल्लामा यस्तो समस्या देखिएको छ ।
