प्रमुख अतिथी केन्दीय सदस्य कुसुम महर्जनको उपस्थिति
थिमी नगरपालिकामा वडा नं ३, ४, ५ र ७ को कमिटी गठन सकियो
वडा नं १,२, ६, ८ र ९ को कमिटी गठन हुन बाँकी
भक्तपुर । रन्जना काफ्ले ।।
भक्तपुरको मध्यपुर थिमी नगरपालिकामा राष्ट्रिय स्वतन्त्र पार्टी (रास्वपा ) ले ११ सदस्यीय वडा कमिटी गठन गरेको छ । साउन ६ गते शनिबार मध्यपुर ठिमी नगरपालिकाको वडा नं ४, ५ र ७ नम्बरको एउटै कार्यक्रममा वडा सभापति सहित ११ जनाको कमिटी गठन भएको हो।
कार्यक्रममा राष्टिूय स्वतन्त्र पार्टीकी केन्दीय सदस्य कुसुम महर्जनको प्रमुख आतिथ्य र प्रतिनिधि सभाका प्रत्यक्ष उम्मेद्वार साजन बिक, भक्तपुर जिल्ला सभापति रामेश्वर बस्नेत , मध्यपुर थिमी नगरपालिकाका सभापति न्हुछे मानन्धर लगाएत राष्ट्रिय स्वतन्त्र पार्टीका सम्पूर्ण सदस्यहरुको उपस्थितीमा कमिटीहरु गठन भएका हुन् ।
शनिबार भएको कमिटी भेलाले वडा नं ४ मा सुमी श्रेष्ठ, वडा नं ५ मा इश्वोर श्रेष्ठ र वडा नं ७ मा नबिन तको सभापति रहेको ११ सदस्यीय कमिटी सर्वसम्मत गठन गरेको हो । जसमा उपसभापतिसहित ११ सदस्यहरु चयन भएका छन् ।
भक्तपुर जिल्लामा ४ नगरपालिका मध्यको मध्यपुर थिमी नगरपालिकामा ९ वटा वडा कार्यालयहरु रहेका छन् ९ वटा वडा कार्यालयहरुमध्य वडा नं ३, ४, ५ र ७ को कमिटी गठन भइसकेको अनि वडा नं १,२, ६, ८ र ९ को कमिटी गठन हुन बाँकी रहेको थिमी नगरपालिकाका सभापति न्हुछे मानन्धरले साझा परिवेशलाई बताउनु भयो ।
