जीवन परियार : दलित भनेर नै पार्टीले टिकट दिन आलटाल गर्छ

• उम्मेदवार बनाउँदा दलितलाई सधैं बेवास्ता गरेको जीवन परियारको गुनासो 
• ३ जनालाई मात्र पार्टीले प्रत्यक्षतर्फ उम्मेदवार बनाउनु लाजमर्दो भएको
• पार्टीभित्र परामर्श गरेर सभापतिले निर्णय लिने भनिए पनि हुन नसकेको

काठमाडौं ।।

नेपाली कांग्रेसका सहमहामन्त्री जीवन परियारले पार्टीले उम्मेदवार बनाउँदा दलितलाई सधैं बेवास्ता गरेको बताएका छन् ।

केन्द्रीय समितिको बैठकमा आइतबार उनले ४ मंसिरको चुनावमा जम्मा ३ जनालाई मात्र पार्टीले प्रत्यक्षतर्फ उम्मेदवार बनाउनु लाजमर्दो भएको बताए । निर्वाचनमा मीन विश्वकर्मा, लक्ष्मी परियार, सुजाता परियार, मानबहादुर नेपाली लगायतलाई प्रत्यक्षतर्फ उम्मेदवार बनाउन आग्रह गरिए पनि सम्भव नभएको सहमहामन्त्री परियारले बताए ।

अघिल्लो केन्द्रीय समिति बैठकले भ्रातृसंस्थाको नेतृत्व बनाउँदा पार्टीभित्र परामर्श गरेर सभापतिले निर्णय लिने भनिए पनि हुन नसकेको बताए ।‘भ्रातृसंस्था बनाउँदा परामर्श गरेर गर्ने निर्णय केन्द्रीय समितिले गरेको थियो । एकपक्षीय भयो भन्ने व्यापक गुनासो छ, सभापति ज्यू’, परियारले भने । पार्टीभित्र विगतको कमजोरीहरु लुकाउँदै आइएको र त्यसलाई अहिले देखाउने कार्य प्रत्यक्ष प्रसारणमार्फत भएको उनले सुनाए ।

• संसद विघटन