पेप्सीकोलामा बस दुर्घटना गराउने मोटरसाइकल चालक खोज्दै प्रहरी
साझा परिवेश
सोमवार, भदौ १८, २०८० १६:४२
काठमाडौंको पेप्सीकोला-काँडाघारी सडकखण्डमा
बसले तीनवटा सवारीसाधनलाई ठक्कर दियो
मोटरसाइकल बचाउन खोज्दा दुर्घटना भएको खुलाशा
मोटरसाइकल जोगाउँदा बस नै सडकमा पल्टियो
लेन क्रस गर्ने मोटरसाइकल चालकको खोजी गर्दै प्रहरी
काठमाडौं ।।
काठमाडौंको पेप्सीकोला-काँडाघारी सडकखण्डमा आइतबार बा ३ ज ४८४८ नम्बरको बसले तीनवटा सवारीसाधनलाई ठक्कर दियो । गलत लेनबाट आएको एउटा मोटरसाइकल बचाउन खोज्दा सो दुर्घटना भएको थियो । दुर्घटनामा परेर सशस्त्र प्रहरी सिनामंगलमा कार्यरत २५ वर्षीया उषा कार्की र सर्लाहीका २१ वर्षीय राज भट्टराईले ज्यान गुमाएका थिए ।
सो दुर्घटनामा १४ जना घाइते भएका थिए । मोटरसाइकल जोगाउँदा बस नै सडकमा पल्टिएको थियो । बसले बा ६च ५३४२ नम्बरको बलेरो गाडी, वाग्मती प्रदेश ०२-०३७ प ५३११ नम्बरको डिओ स्कुटर र वाग्मती प्रदेश ०२-०४१ प ४८३८ नम्बरको मोटरसाइकल किचेको थियो ।दुर्घटनाको अनुसन्धान गरेको प्रहरीले गलत ठाउँबाट लेन क्रस गर्ने मोटरसाइकल चालकको खोजी गरेको छ ।
