प्यूठानको लालीगुराँस सहकारीमा लुटपाट

बुटवल : प्युठानको एक सहकारीमा तोडफोड गरी नगद चोरी भएको छ। सोमबार मल्लरानी गाउँपालिका-३ सालठाँटीमा रहेको लालीगुराँस बचत तथा ऋण सहकारी संस्थाको कार्यालय तोडफोड गरी नगद १ लाख ६० हजार ४ सय रुपैयाँ चोरी भएको हो।

भवनको दोस्रो तलाको चेनगेट र चाबी फोरेर चोरी भएको सहकारीका व्यवस्थापक गोविन्द बहादुर अधिकारीले जानकारी दिए। विहान ९ बजेमात्र चोरी भएको खबर आफूले जानकारी पाएको उनले बताए। यो सहकारी चुँजाठाटी क्षेत्रको पहिलो र स्थापित सहकारीको हो।

चोरले कार्यालयका सामानहरूमा समेत क्षति पर्‍याएका छन्। कार्यालयमा नगद दुई लाख बढी रकम भए पनि कागजातसँगै भएकाले एक लाख रुपैयाँ चोरले नदेखेपछि जोगिएको व्यवस्थापक अधिकारीको भनाइ छ। घटनास्थलमा प्रहरी पुगेर अनुसन्धान थालेको छ।