राजनीति गर्ने माओवादीसँग वार्ता गरेर अर्थ छैन : डा. भट्टराई

• तत्कालका लागि माओवादी केन्द्रसँग वार्ताको औचित्य नरहेको
• अंकगणित मिलाएर सत्तामा टाँसिइरहने प्रवृत्ति देखाइरहेको आरोप 
• त्यो महत्वपूर्ण नौ-बुँदे प्रस्तावमाथि छलफल नै गर्न नचाहेको
• माओवादी केन्द्र दाउपेचको राजनीति गरिरहेको डा. भट्टराईको आरोप

काठमाडौं ।।

नेपाल समाजवादी पार्टीका अध्यक्ष डा. बाबुराम भट्टराईले तत्कालका लागि माओवादी केन्द्रसँग वार्ताको औचित्य नरहेको बताएका छन् ।बुधबार सकिएको पार्टीको कार्यकारिणी समितिको निर्णय सार्वजनिक गर्न बिहीबार एक विज्ञप्ति जारी गर्दै भट्टराईले माओवादी केन्द्र संसदीय अंकगणित मिलाएर सत्तामा टाँसिइरहने प्रवृत्ति देखाइरहेको आरोप लगाएका छन् ।

‘माओवादी केन्द्रको नेतृत्वले त्यो महत्वपूर्ण नौ-बुँदे प्रस्तावमाथि छलफल नै गर्न नचाहेको र सिद्धान्तनिष्ठ नयाँ समाजवादी केन्द्रको निर्माणमा भन्दा तत्काल संसदीय अंक गणित मिलाएर सत्तामा टाँसिरहने प्रवृति देखाइरहेको छ,’ विज्ञप्तिमा उल्लेख छ ।

माओवादी केन्द्र दाउपेचको राजनीति गरिरहेको डा. भट्टराईको आरोप छ । माओवादी केन्द्रसँग नयाँ आधारमा नयाँ समाजवादी केन्द्र निर्माणका निम्ति वार्ता प्रक्रिया सुरु गर्दै समाजवादी पार्टीले नयाँ युगको नयाँ सम्मुनत समाजवादी पार्टीको विचार, नीति, कार्यक्रम, संगठनात्मक सिद्धान्त, कार्यशैलीसहितको नौ–बुँदे पार्टी एकताको आधार प्रस्तुत गरेको डा. भट्टराईले स्मरण गरेका छन् ।

• संसद विघटन