गलत प्रचारले अर्थतन्त्र बिग्रियो खत्तमै नै भयो भन्ने हल्ला : उद्योगमन्त्री रिजाल
साझा परिवेश
बिहिबार, अशोज २५, २०८० १२:२६
अर्थतन्त्रमा समस्या छ भनेर नकारात्मक प्रचार भयो
समस्या नभएको र जबरजस्ती गलत भाष्य सिर्जना गरिएको
अर्थतन्त्र बिग्रियो खत्तमै भयो भन्ने भाष्य गलत
ब्याजदर कम गर्न सरकारले पहल गर्नुपर्ने
काठमाडौं ।।
उद्योग, वाणिज्य तथा आपूर्तिमन्त्री रमेश रिजालले अर्थतन्त्रमा समस्या छ भनेर नकारात्मक प्रचार गरिएको बताएका छन् ।नेपाल उद्योग वाणिज्य महासंघले बिहीबार काठमाडौंमा आयोजना गरेको राष्ट्रिय आर्थिक बहस कार्यक्रममा बोल्दै उनले मुलुकको अर्थतन्त्रमा हल्ला गरिए जस्तो समस्या नभएको र जबरजस्ती गलत भाष्य सिर्जना गरिएको बताए ।
अर्थतन्त्रको सुधारका लागि सरकार र निजी क्षेत्रबीच सहकार्य हुनुपर्ने भन्दै उनले एकले अर्कालाई दोष दिएर समस्या समाधान नहुने बताए । ‘अर्थतन्त्र बिग्रियो खत्तमै भयो भन्ने भाष्य गलत छ,’ मन्त्री रिजालले थपे,’ सबै पक्ष मिलेर अघि जाने हो । एक अर्कोलाई दोष थोपरेर हिंड्नु गलत छ ।’मन्त्री रिजालले ब्याजदर कम गर्न सरकारले पहल गर्नुपर्ने पनि बताए।
