सिड्नी । कलाकार जेनिशा गौतमले दिपावलीको पूर्वसन्ध्यामा देउसी-भैलो गीत सार्वजनिक गरेकी छिन् । नोभेम्बर २ मा सार्वजनिक गरिएको उक्त म्युजिक भिडियो छोटो समयमै दर्शकको रोजाईमा परेको छ ।
नेपालीहरुले विदेशमा रहेर भाषा संस्कृतिको जोगाउने र नेपाली परम्परा अनुसार चाडपर्व मनाउने विषयवस्तु समेटिएर तयार पारिएको उक्त म्युजिक भिडियो अस्ट्रेलियामा छायांकन गरिएको हो । देउसी भैलो गीतलाई आर एफ एम फेसिलिटी (रन्जीत शाह) मुख्य प्रायोजक रहेको छन भने क्याफ्लर (बिबेक ढकाल) सह प्रायोजक र (गगन शर्मा) रातो घरको सहयोग रहेको छ ।
पहिलो पटक तिहार गीत बजारमा ल्याएकी उनले भिडियोमा साथीभाई तथा घर परिवारदेखि सम्पूर्ण आफन्तहरुलाई समेत समावेश गरिएको छ । गीत रिलिजको छोटो समयमै राम्रो प्रतिक्रिया आईरहेको जेनिशाले बताईन् । उनले भनिन् – “आफुले सोचे भन्दा राम्रो प्रतिक्रिया पाउँदा अझै उत्साह थपिएको छ ।”
जेनिशाका विशेषगरी आधुनिक गीति संग्रहहरु बजारमा छन् । सन् २०१५ बाट सागींतिक यात्रा सुरु गरेकी जेनिशा २००९ मा अस्ट्रेलियामा आएदेखी नै अधिकाशं गीत सिड्नीमै रेकर्ड गर्ने गरेकी छिन् । उनी अस्ट्रेलियामै रहेर नेपाली गीतसगींतमा निरन्तर लागि रहने उद्धेश्य रहेको बताउँछिन् ।
