ललितपुर । डाक्टरहरु कुटिने क्रम जारी छ । पाटन हस्पिटलका २ जना डाक्टरहरुमाथि कुटपिट भएको छ । दुई डाक्टरमाथि कुटपिट भएपछि चिकित्सकहरू यतिखेर आन्दोलित भएका छन् । अस्पतालको जेष्ठ नागरिक वार्डमा उपचाररत दुई बिरामीको मृत्यु भएपछि बिरामीका आफन्तले ड्युटीमा रहेका दुई डाक्टरलाई आक्रमण गरेका हुन् ।
डाक्टरले सुई लगाएपछि दुई जना विरामीको मृत्यु भएको बताईएको छ । ओखलढुंगा घर भएका वर्ष ८६ का जनमाया राई र मकवानपुर घर भई पाटनढोका बस्ने ६८ कृष्ण बहादुर नगरकोटीको सुई लगाएपछि मृत्यू भएको भन्दै मृतकका आफन्तहरु आक्रोशित भएका छन् ।
उक्त घटना भने शनिबार साँझ ७ बजेतिर भएको घटना हो । आक्रोशित भएका बिरामीका आफन्तले इन्टरनल मेडिसिनका आवासीय डाक्टर र एक फेलोसिप डाक्टरलाई कुटपिट गरेको बताइएको छ । मृतकका आफन्तले सुईमा गलत औषधिको प्रयोगका कारण बिरामीको मृत्यु भएको आरोप लगाएका छन ।
शनिबार साँझ ओखलढुंगाकी ८२ वर्षीया एक वृद्धाको समेत उपचारका क्रममा सोही वार्डमा मृत्यु भएको थियो। तर डाक्टरहरुले भने, डाक्टरमाथि आक्रमण गर्ने पक्षको उक्साहटमा लागेर उनीहरुले आफ्नो बिरामीलाई पनि गलत उपचार गरेको आरोप लगाएको बताएका छन ।
तर त्याहाँका प्रत्यक्षदर्शीहरुले भने गलत औषधिकै कारण मृत्यु भएको हुन सक्ने बताएका छन । किनकि सुई दिईसकेपछिनै छटपटाउदै मृत्यु भएको त्याहाँ रेका अन्य विरामि तथा प्रत्यक्षदर्शीले बताएका छन । त्यसकारण त्याहाँ उपचारारत अन्य बिरामी पनि त्रसित भएका छन । बाँकि उपचार यहिँ गरौकी अन्तै गरौ भन्ने अन्योलमा रहेका छन ।
डाक्टरहरुले भने कुटपिट गर्ने माथि सत्यतथ्य छानविन गर्न जिल्ला प्रहरी परिसर ललितपुरमा निवेदन समेत बुझाएका छन । आइतबार भने टिकट काटिसकेको कारण केहीबेर ओपीडी चले पनि सोमबारबाट बन्द गरिने डाक्टरहरूले विज्ञप्ति निकाल्दै चेतावनी दिएका छन ।
