काठमाडौं । नेपाली बजारमा आज पनि सुनको मूल्य घटेको छ ।
नेपाल सुनँचादी व्यवसायी महासंघका अनुसार आज छापावाल सुनको मूल्य तोलामा ८ सय रुपैयाँ घटेको छ । हिजो मंगलबार एकैदिन २४ सय रुपैयाँ घटेको सुनको मूल्यमा आज ८ सय रुपैयाँ गिरावट आएको हो । महासंघकाअनुसार आज छापावाल सुन प्रतितोला एक लाख १८ हजार ४ सय रुपैयाँमा खरिद बिक्री भइरहेको छ । अघिल्लो दिन मंगलबार प्रतितोला एक लाख १९ हजार २ सय रुपैयाँ मूल्य कायम गरिएको थियो ।
यस्तै तेजाबी सुनको मूल्य पनि तोलामा ८ सय रुपैयाँ घटेर प्रतितोला एक लाख १७ हजार ८५० रुपैयाँमा कारोबार भइरहेको छ । मंगलबार तेजाबी सुनको मूल्य प्रतितोला एक लाख १८ हजार ६५० रुपैयाँ कायम गरिएको थियो ।
चाँदीको मूल्य पनि प्रतितोला २० रुपैयाँ घटेर एक हजार ४८० रुपैयाँ कायम गरिएको महासंघले जनाएको छ ।
मंसिर १८ गते अहिलेसम्मकै उच्च मूल्य कायम गर्दै रेकर्ड बनाएको सुनको मूल्य मंगलबारदेखि घट्न थालेको हो । त्यसदिन सुनको मूल्य तोलाको एक लाख २१ हजार ६ सय रुपैयाँ पुगेको थियो ।
पछिल्लो समय विश्वका लगानीकर्ताहरु सुनमा आकर्षित हुँदा मूल्य आकासिएको महासंघले जनाएको छ । यद्यपि, मंगलबारदेखि मूल्य घट्न थालेसँगै स्थानीय बजारमा सर्वसाधारण ग्राहकले राहत महसुस गरेका छन् ।
