प्रदेश सरकारले खर्च घटाउनुपर्छ : प्रमुख सचेतक भण्डारी
साझा परिवेश
सोमवार, मंसिर २५, २०८० १३:२७
अर्थतन्त्रको विषयमा अर्थ मन्त्रालयले स्वेतपत्र जारी गर्नुपर्ने माग
स्वेतपत्र जारी गर्नुपर्ने भन्दै देश आर्थिक संकटमा रहेको दाबी
एमालेको जागरण अभियान भोलि कोसी प्रदेश प्रवेश गर्ने
विराटनगर ।।
नेपाल (एमाले) कोसी प्रदेश संसदीय दलका प्रमुख सचेतक रेवतीरमण भण्डारीले केन्द्रीय सरकार देशमा केही नभए जसरी बसेको आरोप लगाएका छन् । देशको अर्थतन्त्रको विषयमा अर्थ मन्त्रालयले स्वेतपत्र जारी गर्नुपर्ने माग गरेका छन् । सोमबारको प्रदशेसभा बैठकको विशेष समयमा बोल्दै स्वेतपत्र जारी गर्नुपर्ने भन्दै देश आर्थिक संकटमा रहेको दाबी गरे।
उनले भने, “संघीय सरकारले के गर्दैछ जनताले थाहा पाएका छैनन् । के हुँदैछ जनतालाई थाहा दिनुपर्छ ।” उनले खर्च कटौतीको प्रस्ताव गर्नुपर्ने बताउँदै प्रदेश सरकारले चालु खर्च घटाउनेतर्फ ध्यान दिनुपर्ने माग गरे । उनले एमालेको जागरण अभियान भोलि कोसी प्रदेश प्रवेश गर्ने बताए ।
