“मन्त्री फेरेर काम हुँदैन, उनीहरूबाट नै काम लिनुपर्यो,” : शशांक
साझा परिवेश
बिहिबार, पुस १२, २०८० १६:२५
मन्त्री फेरेर काम हुने हैन
मन्त्रीहरूले काम गर्न नसकेको ठहर
समयमा नीति तय गरेर नीतिअनुसार काम गर्नुपर्यो
काठमाडौं ।।
नेपाली कांग्रेसका नेता शशांक कोइरालाले मन्त्री फेरेर काम नहुने बताएका छन् । पार्टी केन्द्रीय कार्यालय सानेपामा जारी केन्द्रीय कार्यसमितिको बैठकबाट बिहीबार निस्कने क्रममा उनले व्यक्ति परिवर्तन गरेर काम नहुने बताए । “मान्छे परिवर्तन गरेर हुँदैन । उनीहरूबाट नै काम लिनुपर्यो,” कोइरालाले भने । मन्त्रीहरूले काम गर्न नसकेको उनको ठहर छ ।
किन गर्न सकेका छैनन्, उनीहरूलाई के अप्ठ्यारो छ भन्ने आफूलाई जानकारी नभएको उनको भनाइ छ । “काम त राम्रो भएको छैन, मान्छे परिवर्तन गरेर काम हुन्छ भन्ने के छ ? मान्छेले पहिले सोच्नुपर्यो- मन्त्री भएपछि के काम गर्ने ? समयमा नीति तय गरेर नीतिअनुसार काम गर्नुपर्यो,” उनले भने । तपाईं मन्त्री नबन्ने ? भन्ने सञ्चारकर्मीको जिज्ञासामा उनले प्रतिप्रश्न गरे, “मन्त्री किन बन्नुपर्यो ?”
