सामाजिक काममा राष्ट्रिय वाणिज्य बैकं ; स्वास्थ शिबिर देखि रक्तदान कार्यक्रम गर्दै

राष्ट्रिय वाणिज्य बैकं कोशी प्रदेशले ५९ औ वार्षिक उत्सवको अवसरमा रक्तदान कार्यक्रम गरेको छ । शुक्रवार बैकको कोशी प्रादेशको शाखा कार्यालय विराटनगरमा उक्त कार्यक्रम भएको हो ।

कार्यक्रममा प्रादेशिक कार्यालयका प्रमुख दीपकराज न्यौपाने , प्रादेशिक रक्तदान कार्यक्रम उपसमिति संयोजक कमल तिमिल्सिनाको उपस्थिति रहेको थियो ।

बैकंका कर्मचारी , पूर्व कर्मचारीहरू , व्यापारी , नेपाल प्रहरी , ट्राफिक प्रहरी लगायत अन्य रक्तदाताहरूले रक्तदान गरेका थिए ।

रक्तदान कार्यक्रममा १०० पिन्ट रगत सङ्कलन भएको प्रादेशिक मूल समारोह आयोजक समितिका सदस्य वरुण कर्णले जानकारी दिए ।

रक्तदानका साथै बैङ्कको ५९ औँ वार्षिकोत्सवको अवसरमा विभिन्न खेलकुद प्रतियोगिता, आँखा परीक्षण, स्वास्थ्य परीक्षण, कार्यक्रम आयोजना भइरहेको छ ।

५९ औ वार्षिक उत्सवको अवसरमा राष्ट्रिय वाणिज्य बैकले विभिन्न कार्यक्रम गर्ने योजना रहेको छ ।

माघ ५ गते रक्तदान , माघ ६ गते प्रभात फेरी , खेलकुद तथा आँखा जाँच शिविर कार्यक्रम हुनेछ भने माघ १० गते भव्य कार्यक्रम गरी वार्षिकोत्सव मनाउने कार्यक्रम रहेको आयोजक समितिका सदस्य कर्णले जानकारी दिए ।

यही माघ १० गते बैङ्क ५८ वर्ष पूरा गरी ५९ औँ वर्षमा प्रवेश गर्दै छ ।

• संसद विघटन