५ घन्टापछी नियन्त्रणमा आयो सेन्टरल प्लाजामा लागेको आगो
साझा परिवेश
बुधबार, चैत्र १३, २०८१ १६:११
इटहरीको मुख्य चोकमा रहेको सेन्टरल प्लाजामा लागेको आगो पाँच घण्टापछी नियन्त्रणमा आएको छ । बिहान करीब ९ः३० बजेदखी लागेको आगो ५ घन्टापछी मात्रै नियन्त्रणमा आयो । आगलागी भएको १० तले भवनमा फसेका ११ जनाको पनि उद्धार गरिएको छ।
प्लाजाको विभिन्न तलामा फसेका ८ पुरुष र ३ महिला गरी ११ जनाको सकुशल उद्धार गरिएको छ । आगो नियन्त्रण बाहीर भएपछी काठमाडौंबाट गएको नेपाली सेनाको हेलिकप्टरले तीनजनाको उद्धार गरेको हो । प्लाजाको पाँचौं र छैटौं तलामा बिहान साढे ९ बजेबाट आगलागी भएको थियो। आगलागी नियन्त्रणका लागि झापा, मोरङ र सुनसरीका विभिन्न स्थानीय तहका एक दर्जनभन्दा बढी दमकल, नेपाली सेना र प्रहरीको टोली परिचालित गरेपछी अन्ततः ५ घन्टामा आगो नियन्त्रणमा आयो । आगलागी भएको भवनमा होटल, सिनेमा हल, बैंक, सुपरमार्केट, कपडाका पसल, मोबाइल तथा इलेक्ट्रोनिक्सका ठूला पसलहरू सञ्चालनमा रहेका छन्। पाँचौ तलादेखी माथी होटल रहेको छ ।
बुधबार बिहान करिब साढे ९ बजेदेखि लागेको आगो साढे पाँच घन्टा बितिसक्दा पनि नियन्त्रण बाहिर छ ।
आगालागीमा परेर माथि नै रहेका तीन महिला र आठ पुरुष गरी ११ जनाको उद्धार गरिएको जिल्ला प्रहरी कार्यालय सुनसरीले जनाएको छ ।
