रिहा भए सिंहदरबारबाटै पक्राउ परेका राष्ट्रिय प्रजातन्त्र पार्टीका नेताहरु

आइतबार भएको प्रदर्शनका क्रममा सिंहदरबारबाटै पक्राउ परेका राष्ट्रिय प्रजातन्त्र पार्टीका  अध्यक्ष राजेन्द्र लिङ्देनसहितका नेताहरू रिहा भएका छन् । आजको प्रदर्शनपछि बसेको राप्रपा केन्द्रीय कार्यसम्पदान समितिको बैठकले सरकारको कदमको निन्दा गरेलगत्तै नेता-कार्यकर्ता रिहा भएका हुन् ।

उनीहरुले वर्तमान व्यवस्थाविरुद्ध विभिन्न नारा अंकित पम्प्लेट देखाउँदै सिंहदबारमा प्रदर्शन गरेका थिए भने सुरुमा प्रहरीले सो पम्प्लेट प्रहरीले खोसेको थियो । पक्राउ पर्दैपर्दा लिङ्देनले लोकतन्त्रमा बोल्न र प्रदर्शन गर्न पनि सरकारले रोक लगाएको भन्दै आपत्ति जनाए । राप्रपाले आइतबार निषेधित क्षेत्र तोड्ने घोषणा गरेको थियो ।
सोही अनुसार राप्रपाका कार्यकर्ताहरु बानेश्वरस्थित निषेधित क्षेत्रको घेरा नजिकै भेला हुँदै गर्दा संसदीय दलको कार्यालयमा भेला भएर लिङ्देनलगायतले सिंहदबारमै प्रदर्शन गरेका हुन् । सिंहरबारस्थित संसदीय दलमा प्रहरी तैनाथ गरेपछि सञ्चारकर्मीहरुसँग कुरा गर्दै जनताबाट सरकार झ्नझ्न टाढा हुँदै गएको बताए।
उनले भने, ‘जनताबाट सरकार टाढा हुँदैछ। त्यसैले हामीले सरकारको नजिकै गएर प्रदर्शन गरेर आज सुनाउँन खोजेका छौं।’ उनले सिंहदरबारबाट गरेको प्रदर्शन सरकारले सुन्नैपर्ने बताए। ‘यो प्रदर्शन देश दुनियाँले सुन्छ, नागरिक अधिकारवादीहरुले सुन्छ।’ उनले भनेका छन् ।
राप्रपाले तीनकुने घटनाको छानबिन माग,पार्टीका नेताहरुको रिहाइका साथै राजसंस्थाको पक्षमा आइतबार प्रदर्शन आयोजना गरेको हो। तर उनिहरु प्रर्दशनस्थल पुग्नै नपाई घेराबन्दिमा परे ।

• संसद विघटन