April 21, 2024 | आइतवार, बैशाख ९, २०८१
सुचनाहरु
रेशम चौधरीको रिट हेर्न नभ्याइनेमा शेयर बजार १२ अङ्कले बढ्याे लुम्बिनी प्रदेश सरकारबाट जसपा बाहिरियाे ढोलाहिटी हत्या घटनामा ५ जनाविरुद्ध मुद्दा दर्ता कतारका अमिर मंगलबार दुई दिने नेपाल भ्रमणमा आउने चामलभित्र लागुऔषध ओसारपसार गर्ने २ जना पक्राउ गृहमन्त्री लामिछानेको सहकारी प्रकरण सत्ता समीकरणसँग जोडिएर आयो : मन्त्री चौधरी विपिन जोशीलाई सकुशल फर्काउन कूटनीतिक पहल भइरहेको छ : प्रधानमन्त्री तत्काल वामपन्थी एकता हुदैन- प्रधानमन्त्री प्रचण्ड विकल पौडेलविरुद्ध मुद्दा दायर उपाध्यक्ष घिमिरे पार्टीका सबै जिम्मेवारीबाट अलग नाउपाको अध्यक्ष विवादको मुद्दा न्यायाधीश भट्टराई र शर्माको इजलासमा विवाहबाट फर्कँदै गर्दा दुर्घटना : नौजनाको मृत्यु सुनको मूल्य स्थिर काठमाडौं उपत्यकाको वायुप्रदूषण अझै अस्वस्थ, आज १६३ एक्यूआइ मापन एसीसी प्रिमियर कप : उपाधिका लागि आज यूएई र ओमान खेल्दै झापाको बिर्तामोडमा कारको ठक्करबाट एक बालकको मृत्यु कुवेतमा श्रम स्वीकृतिबमोजिमको काममा कडाइ हिउँ पहिरोले वीरेन्द्र ताल फुट्दा बुढीगण्डकी नदीमा पानीको उच्च बहाब भक्तपुरमा बाघको आक्रमणबाट एक बालिका घाइते

शपथ ग्रहणमा ओलीको पुरानै शैली

  • साझा परिवेश
  • बिहिबार, पुस ७, २०७९ १९:१५
शपथ ग्रहणमा ओलीको पुरानै शैली

काठमाडौं । नयाँ सांसदहरुमध्ये कोहीले ईश्वरको नाममा शपथ लिए, कोहीले जनताको नाममा । राप्रपा अध्यक्ष राजेन्द्र लिङ्देनले त ‘भ्रष्टाचार गर्नु भनेको आमाको रगत खानु बराबर हो’ भनेर संवेगात्मक शपथको व्यहोरामा हस्ताक्षर गरे । (रवीन्द्र मिश्रले जितेका भए ‘भ्रष्टाचारीलाई किरा परोस’ नै लेख्थे कि !)

सारा माननीयले शपथका व्यहोरामा आँखा लगाउँदा एमाले अध्यक्ष केपी ओली चाहिँ के गर्दै थिए ? उनलाई यो तस्वीरमा हेरौं न ।

सबै सांसदले हातमा शपथको व्यहोरा च्यापेर पढ्दा ओली खडेखडे उभिएका देखिन्छन् । रोचक के छ भने यो तस्वीर ओलीकै निकटस्थले चलाउने फेसबुक पेज ‘बालकोट’ मा उपलब्ध छ । त्यसमा ओली शपथको व्यहोरा नबोकी टुलुटुलु हेरिरहेका देखिन्छन् ।

ओलीलाई बाचा गराउन, शपथ खुवाउन त्यति सजिलो पनि कहाँ छ र ? पोहोर मंसिरमा एमालेको दशौं महाधिवेशनका बेला चितवनमा यस्तै भयो । त्यसमा भीम रावलको जमानत जफत सरह गराउने गरी अध्यक्ष चुनिएसँगै ओलीलाई शपथ खुवाउने जिम्मा आइलाग्यो निर्वाचन परिचालन कमिटी संयोजक विजय सुब्बालाई ।

पथको व्यहोरा बोकेर सुब्बा ‘म… ’ के बोल्दैथिए, ओलीले खरर्र सबै व्यहोरा एकै सासमा पढिभ्याए । सुब्बा हेरेको हेर्‍यै ।

तिनै ओलीलाई दोस्रोपल्ट प्रधानमन्त्री चुनिँदा राष्ट्रपति विद्या भण्डारीले ‘सत्य निष्ठापूर्वक प्रतीज्ञा गर्छु’ भन्दा तुरुन्त खारेज गरे, ‘त्यो पर्दैन ।’

ओली प्रथमतः एमालेका तर्फबाट जितेका प्रतिनिधिसभा सदस्य हुन् । उनी पाँच वर्षका लागि सार्वभौम जनताका प्रतिनिधिका रुपमा चुनिएका हुन् । उनको उत्तरदायित्व पनि जनताप्रति नै हुने हो ।

शपथलाई सामान्य औपचारिकतामात्रै पनि मान्न सकिएला । तर त्यो जनताप्रतिको निष्ठाको सूचक पनि हो ।

यसपालि पनि ओलीले ‘त्यो पर्दैन’ शैलीकै निरन्तरता देखाएका हुन् कि ? वा अरु केही ?

 

  • साझा परिवेश
  • बिहिबार, पुस ७, २०७९ १९:१५

प्रतिक्रिया

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।