एकीकृत समाजवादीकाे पाेलिटब्युराे बैठक बस्दै, सरकारमा जाने/नजानेबारे निर्णय लिइने
साझा परिवेश
सोमवार, पुस १८, २०७९ 0८:५0
काठमाडौँ- नेकपा एकीकृत समाजवादीकाे पोलिटब्यूरो बैठक साेमबार बस्दैछ। बैठक आज बिहान ११ बजे पार्टी कार्यालय आलोकनगरमा बस्दैछ।
शनिबार र आइतबार गरी दुई दिनसम्म चलेको स्थायी कमिटी बैठकपछि एकीकृत समाजवादीले आज पोलिटब्यूरो बैठक बोलाइएको हो।
स्थायी कमिटीमा सरकारलाई समर्थन गर्ने कि नगर्ने भन्नेबारे दुई धार देखिएपछि बृहत् छलफल गरेर निर्णय लिन पोलिटब्यूरो बैठक बोलाइएको एक पदाधिकारीले जानकारी दिए।
गत मंसिर ४ गते सम्पन्न प्रतिनिधिसभा र प्रदेशसभा निर्वाचनको समीक्षा, माओवादी केन्द्रका अध्यक्ष पुष्पकमल दाहाल ‘प्रचण्ड’ नेतृत्वको सरकारलाई समर्थन गर्ने/नगर्नेलगायतका विषयमा छलफल गर्न एकीकृत समाजवादीले स्थायी कमिटी बैठक बोलाएको थियो।
बैठकमा अधिकांश सदस्यले सरकारलाई समर्थन गर्नुपर्ने बताएका थिए।
प्रचण्डले पाँचदलीय सत्ता गठबन्धन टुटाएपछि एकीकृत समाजवादी अलमल अवस्थामा छ। पार्टी अध्यक्ष माधवकुमार नेपालले प्रचण्डले धाेका दिएकाे बताएका थिए।
