१४० केजीका मलेशियन नागरिक डोली चढेर पाथिभरा दर्शनमा

गणेशकुमार श्रेष्ठ (ताप्लेजुङ)
नेपालमा प्रशिद्ध शक्तिपिठ पाथिभरा देविको मन्दिर छ भन्ने सुनेर ४ जना मलेशियन तामिल जातका नागरिक ताप्लेजुङ पाथिभरा दर्शन गर्न आएका छन् । ४ जना मध्ये १ जना १४० के.जी तौलका रहेका र उहाँले ८ जना भरियाको सहयोगमा स्टेचरमा बोकाएर पाथिभरा माताको दर्शन गर्नु भएको पाथिभरा क्षेत्र विकास समितिका मन्दिर व्यवस्थापन कर्मचारी राजेन्द्र महतले जानकारी गराउनु भयो । उहाँहरु मलेशियामा रेष्टुरेन्ट र सेक्युरिटी कम्पनीको व्यवशाय गरि वस्ने नेपाली नागरिक राजु तामाङको सहयोेगमा पाथिभरा माताको दर्शन गर्न आउनु भएको थियो । ५ वर्ष अगाडि देखिको पाथिभरा दर्शनको लागि आउने योजना वनाएका उहाँहरुले जानकारी गराउनु भयो ।
मलेशियन नागरिकहरुले पाथिभरा माताको दर्शन गरेको थाहा पाएपछि पाथिभरा मन्दिर क्षेत्र संरक्षण तथा सम्वद्र्धन समितिले जानकारी पाए पछि अनुभव साटासाटको लागि मेवाखोला हिल रिसोर्टमा बोलाएर समितिका पदाधिकारीहरुले विदाई गरेको समितिका उपाध्यक्ष नारायण थापाले जानकारी गराउनु भयो । स्टेचर यात्रामा उहाँको ७५ हजार रुपैयाँ खर्च भएको समेत सहयोगी राजु तामाङले जानकारी गराउनु भएको थियो । उहाँहरुको पाथिभरा आगमनले माथिभरा माताको महिमा विश्वव्यापी रुपमा बढ्दै गएको समितिका उपाध्यक्ष थापाले बताउनुभयो ।

• संसद विघटन