June 13, 2024 | बिहिबार, जेष्ठ ३१, २०८१
सुचनाहरु
श्री केश तेल गुणस्तरीय रहेको उत्पादन कम्पनीको दावी घट्यो सुनको मूल्य, आज कतिमा हुँदैछ कारोबार ? कस्तो रहला आजको मौसम ? प्रतिनिधि सभाको बैठक दुई दिन स्थगित मोदीको शपथ ग्रहणमा भाग लिन प्रधानमन्त्री दाहाल आज भारत जाँदै दुर्ब्यशन विरुद्ध रङ्गभर्दै गौरादह जेसीज सुनको मूल्यमा नयाँ कीर्तिमान टी-२० विश्वकप: नामिबियामाथि स्कटल्याण्ड ५ विकेटले विजयी गौरादहमा खुल्यो “दर्पण कला सँसार”…… गृहमन्त्रीले गिरीबन्धुको फाइल खोल्ने होइन, बोल्नपनि सक्नुहुन्न : विश्वप्रकाश शर्मा मोदीको शपथ ग्रहण समारोहमा जाने तयारीमा प्रधानमन्त्री प्रचण्ड सुनको मुल्य अहिलेसम्मकै उच्च बालेनलाई न्यूरोडको फुटपाथ बढाउन दिनुपर्छ, केन्द्रको हस्तक्षेप बन्द गर- महामन्त्री शर्मा प्रतिनिधिसभाको बैठक आज बस्दै, यस्तो छ आजको कार्यसूची स्रोत नखुलेको ६९ लाखसहित चारजना चिनियाँं नागरिक पक्राउ टी–२० विश्वकप क्रिकेटमा अस्ट्रेलियासँग ओमान ३९ रनले पराजित सहकारी ठगि छानबिन संसदीय समितिको पहिलो बैठक शुरु विपद क्षेत्रको रिपोर्टिङमा जाने पत्रकार र स्वयंसेवकलाई तालिम दिइने सेयर बजारमा ५.५८ अंकको गिरावट हावाहुरी र चट्याङसहित पानी पर्ने सम्भावना

प्रधानमन्त्री प्रचण्डले आज विश्वासको मत लिँदै, क–कस्ले दिँदैछ मत ?

  • साझा परिवेश
  • सोमवार, चैत्र ६, २०७९ 0९:२४
प्रधानमन्त्री प्रचण्डले आज विश्वासको मत लिँदै, क–कस्ले दिँदैछ मत ?

काठमाडौं । प्रधानमन्त्री पुष्पकमल दाहाल ’प्रचण्ड’ले सोमबार संसदबाट विश्वासको मत लिने छन् । यस अघि अभूतपूर्व विश्वासको मत पाएका प्रचण्डले तेश्रो कार्यकालको तीन महिनामै दोस्रो पटक विश्वासको मत लिनुपर्ने अवस्था आइपरेकाले सोमबार पुनः उनले विश्वासको मत लिन लागेका हुन् । सोमबार प्रचण्डलाई क–कसले दिँदैछ त विश्वासको मत रु कति विश्वासको मत पाउँलान् प्रचण्डले रु

पुष १० गते एमालेसहितका दलहरुको समर्थनमा प्रधानमन्त्री बनेका प्रचण्डले संसदबाट फेरि विश्वासको मत लिने भएका हुन् ।

प्रचण्ड नेतृत्वको सरकारलाई कांग्रेस, राष्ट्रिय स्वतन्त्र पार्टी, नेकपा एकीकृत समाजवादी पार्टी, जनता समाजवादी पार्टी लगायत दलहरुले विश्वासको मत दिनेछन् ।

संसदमा कांग्रेससहितका साना दलहरु सत्ता पक्षको बञ्चमा पुगेका छन् । तर, प्रचण्डलाई प्रधानमन्त्री बनाउन कसरत गर्ने एमाले भने प्रतिपक्षमा पुगेको छ ।

माओवादी केन्द्र र प्रचण्डलाई प्रधानमन्त्री मात्रै नभई संवैधानिक रुपमा ठुला पद दिन आनाकानी गरेपछि सत्ताबाट प्रतिपक्षी दल बनेको कांग्रेसले विश्वासको मतपछि सत्तामा पुनरागमन गरेको छ ।

कांग्रेस कार्यसम्पादन समितिको बैठकले निर्णय नै गरेर प्रचण्डलाई विश्वासको मत दिने निर्णय गर्दै सरकारमा सहभागी हुने निर्णय गरेको छ ।

कांग्रेससँगै रास्वपाले पनि प्रधानमन्त्री प्रचण्डलाई विश्वासको मत दिने निर्णय गरेको छ । रास्वपा सभापति रवि लामिछाने नागरिकता विवादमा सांसद पदसहित मन्त्री लगायततका पद गुमाएपछि फेरि गृहमन्त्रालयमा फर्किन चाहेका थिए तर, प्रचण्डले त्यसलाई अस्वीकार गरेपछि सरकारबाट बाहिरिएको रास्वपाले विश्वासको मत भने कायमै राखेको थियो । तर, सोमबार प्रचण्डले फेरि विश्वासको मत लिने भएपछि रास्वपाले पनि विश्वासको मत दिने भएको छ ।

यस्तै, नेकपा एकीकृत समाजवादीले पनि सरकारमा सहभागी हुने र विश्वासको मत दिने निर्णय गरेको छ ।

यस्तै, विश्वासको मत दिएपनि प्रतिपक्षमा बस्न मिल्ने भन्दै नेकपा एसका अध्यक्ष माधव नेपालले प्रचण्डलाई विश्वासको मत दिन सबैलाई आग्रह गरेका छन् ।

विश्वासको मत लिने तयारीमा रहेका प्रधानमन्त्री प्रचण्डले आफूलाफ सतप्रतिशत सांसदले मत दिने अपेक्षा गरेका छन् ।

सत्ता समिकरणमा फेरबदल गरेका प्रचण्डलाई कांग्रेसले विश्वासको मतका लागि ह्वीप नै लागू गरेको छ । यस पहिले अहिलेसम्मकै बढी विश्वासको मत पाएका प्रचण्डले यस पटक भने त्यति ठुलो संख्यामा विश्वासको मत पाउने भने देखिन्न् ।

विश्वासको मत भने सजिलै पाउन सक्ने अवस्थामा छन् उनी । यद्यपी विश्वासको मत पाएपनि उनलाई सरकार विस्तार र भागबण्डामा भने सकस नै देखिन्छ ।

  • साझा परिवेश
  • सोमवार, चैत्र ६, २०७९ 0९:२४

प्रतिक्रिया

तपाइको प्रतिक्रिया दिनुहोस्