June 13, 2024 | बिहिबार, जेष्ठ ३१, २०८१
सुचनाहरु
श्री केश तेल गुणस्तरीय रहेको उत्पादन कम्पनीको दावी घट्यो सुनको मूल्य, आज कतिमा हुँदैछ कारोबार ? कस्तो रहला आजको मौसम ? प्रतिनिधि सभाको बैठक दुई दिन स्थगित मोदीको शपथ ग्रहणमा भाग लिन प्रधानमन्त्री दाहाल आज भारत जाँदै दुर्ब्यशन विरुद्ध रङ्गभर्दै गौरादह जेसीज सुनको मूल्यमा नयाँ कीर्तिमान टी-२० विश्वकप: नामिबियामाथि स्कटल्याण्ड ५ विकेटले विजयी गौरादहमा खुल्यो “दर्पण कला सँसार”…… गृहमन्त्रीले गिरीबन्धुको फाइल खोल्ने होइन, बोल्नपनि सक्नुहुन्न : विश्वप्रकाश शर्मा मोदीको शपथ ग्रहण समारोहमा जाने तयारीमा प्रधानमन्त्री प्रचण्ड सुनको मुल्य अहिलेसम्मकै उच्च बालेनलाई न्यूरोडको फुटपाथ बढाउन दिनुपर्छ, केन्द्रको हस्तक्षेप बन्द गर- महामन्त्री शर्मा प्रतिनिधिसभाको बैठक आज बस्दै, यस्तो छ आजको कार्यसूची स्रोत नखुलेको ६९ लाखसहित चारजना चिनियाँं नागरिक पक्राउ टी–२० विश्वकप क्रिकेटमा अस्ट्रेलियासँग ओमान ३९ रनले पराजित सहकारी ठगि छानबिन संसदीय समितिको पहिलो बैठक शुरु विपद क्षेत्रको रिपोर्टिङमा जाने पत्रकार र स्वयंसेवकलाई तालिम दिइने सेयर बजारमा ५.५८ अंकको गिरावट हावाहुरी र चट्याङसहित पानी पर्ने सम्भावना

बारामा उपेन्द्र रोक्न सीके-महन्थ एकठाउँ, गठबन्धन दलबाटै उम्मेदवार तानेर जित्ने एमालेको दाउ

  • साझा परिवेश
  • शुक्रबार, चैत्र १०, २०७९ १२:१६
बारामा उपेन्द्र रोक्न सीके-महन्थ एकठाउँ, गठबन्धन दलबाटै उम्मेदवार तानेर जित्ने एमालेको दाउ

बारा । सत्ता गठबन्धनबाट बारा २ को उपचुनावमा उपेन्द्र यादवलाई समर्थन गरिए कांग्रेस, माओवादीलगायतका दलमा विद्रोहको चेतावनी फैलिएको छ । सो क्षेत्रबाट निर्वाचित सांसद रामसहाय यादव उपराष्ट्रपति भएपछि रिक्त ठाउँमा वैशाख १० गते उपचुनाव हुँदैछ ।

सप्तरी २ मा पराजित भएका जसपा अध्यक्ष उपेन्द्र यादव प्रतिनिधिसभामा आउनकै लागि रामसहायलाई उपराष्ट्रपति बनाइएको हो । १० दलीय सत्ता गठबन्धनको साझा उम्मेदवार बनेर यादव चुनाव लड्न चाहन्छन् ।

यादवलाई सत्ता गठबन्धनले साझा उम्मेदवार बनाउने बारेमा औपचारिक निर्णय गरेको छैन । यद्यपि कांग्रेस, माओवादी, नेकपा एसलगायतका दलले यादवलाई उम्मेदवार बनाउने अनौपचारिक सहमति छ ।
तर, गठबन्धनमै आबद्ध सीके राउत नेतृत्वको जनमत पार्टी र लोकतान्त्रिक समाजवाद पार्टी (लोसपा) ले यादवविरुद्ध उम्मेदवार खडा गर्ने भएका छन् । राउतले महागढीमाईमा पुगेर चुनावी अभियान थाल्दै उपेन्द्रलाई बाहिरी फिरंगी उम्मेदवार भनेका छन् ।

मधेसमा उपेन्द्रविरुद्ध जनमत र लोसपाको गठबन्धन बनिसकेको छ । सम्भवतः लोसपाले बारा २ मा जनमत पार्टीलाई समर्थन गर्ने सो पार्टीका मधेस प्रदेश संसदीय दलका नेता जितेन्द्र सोनालले बताएका छन् । सोनाल बाराबाटै निर्वाचित हुन् ।

सो क्षेत्रमा लोसपाभन्दा जनमत पार्टी बलियो भएकाले उपेन्द्रविरुद्ध लोसपाले जनतमलाई सघाउन सक्छ । गत मंसिर ४ मा प्राप्त समानुपातिक मतमा जनमतले ८ हजार ८४६ अर्थात करीव ९ हजार मत पाएको छ भने लोसपाले ४ हजार २३५ मत पाएको छ ।

समानुपातिक मतका आधारमा बारा २ मा जसपा सबैभन्दा बलियो छ । सो क्षेत्रमा जसपाले १३ हजार २४२ मत पाएको थियो भने दोस्रोमा कांग्रेसले ११ हजार १७९ र तेस्रो स्थानमा रहेको एमालेले ९ हजार १९३ मत पाएको थियो । जनमत सो क्षेत्रमा चौथो पार्टी हो ।

मंसिर ४ को चुनावमा एमालेको मत पाएर रामसहायले जितेको यो क्षेत्रमा यसपटक उपेन्द्रले एमालेको मत पाउने सम्भावना छैन । एमाले भने सत्ता गठबन्धनमा आबद्ध दलहरूबीचको विवाद र विद्रोहको आधारमा आफ्नो उम्मेदवार खडा गर्ने तयारीमा छ ।

सो क्षेत्रमा एमालेको मत तेस्रो स्थानमा रहे पनि जित्ने खालका उम्मेदवार बाहिरबाटै आयात गर्न खोजिरहेको छ । एमाले नेता बलवीर चौधरी सो क्षेत्रका सम्भावित उम्मेदवार हुन् । तर, उनी गत चुनावमा प्रदेश सभामा सोही क्षेत्रमा स्वतन्त्र उम्मेदवारसँग पराजित भएका थिए ।

एमालेका एक नेताका अनुसार गठबन्धनका कारण टिकट नपाउने प्रभावशाली व्यक्तिलाई तानेर उम्मेदवार बनाउने रणनीति छ । अघिल्लोपटक टिकट नपाएर बागी उठेका रामकिशोर यादवमा एमालेले नजर लगाएको थियो । तर, उनी यसबीचमा जसपामा फर्किसकेका छन् ।

माओवादी नेता शिवचन्द्र कुशवाह एमालेबाट उम्मेदवार बने भने पनि आश्चर्य नहुने यहाँका नेता-कार्यकर्ताबीच चर्चा छ । गत मंसिर ४ गतेको निर्वाचनमा एमालेको समर्थनमा रामसहायले १३ हजार ८२२ मत पाएर जित्दा कांग्रेस समर्थन पाएका कुशवाहले १३ हजार ४६८ मत पाएका थिए ।

जम्मा ३५४ मतले पराजित भएका कुशवाहले आफू पुनः उम्मेदवार बन्ने घोषणा गरिसकेका छन् । २०६४ सालमा जितेर मन्त्री बनेका कुशवाह यहाँका प्रभावशाली नेता हुन् । एमालेले पनि उनीतिर नजर लगाएको छ । यदि माओवादीले उपेन्द्रलाई समर्थन गरेमा कुशवाह एमालेतिर लाग्ने सम्भावना देखिएको छ ।

बारा २ मा अर्का लोकप्रिय उम्मेदवार हुनसक्छन् कांग्रेस नेता अरुणकुमार ज्ञवाली । अधिवक्तासमेत रहेका ज्ञवालीले मंसिर ४ मा स्वतन्त्र उम्मेदवार बनेर ७ हजार ६९८ मत पाएका थिए । उनी यसपटक पनि उम्मेदवार बन्ने घोषणा गरिसकेका छन् । ११ हजार मत पाएका रामकिशोर जसपामा फर्किएपछि एमालेले करिब ८ हजार मत होल्ड गर्ने ज्ञवालीतिर पनि नजर लगाएको छ ।

एमाले बाराका प्रचार विभाग प्रमुख मनोज पौडेलले भने अहिलेसम्म पार्टीले उम्मेदवारबारे छलफल नगरेको बताए । मिसन ग्रासरुट चलिरहेको भन्दै उनले सबै अवस्था हेरेर उम्मेदवारको टुंगो पार्टीको माथिल्लो निकायले नै लगाउने बताए ।

मधेसमा पार्टीमात्र नभएर व्यक्तिले चुनाव जित्ने भएकाले पनि सत्ता गठबन्धनले उपेन्द्रलाई उम्मेदवार बनाउँदा ती दल आबद्ध प्रभावशाली नेताहरु एमाले वा स्वतन्त्रबाट उम्मेदवार उठ्ने तयारीमा छन् । एमाले अहिले सबैभन्दा बलियो व्यक्ति खोजिरहेको छ । सत्ता गठबन्धनबाट कम्तीमा दुईजना उम्मेदवार बन्ने भएकाले एमालेले चुनाव जित्नेगरी तेस्रो व्यक्ति खोजेको हो ।

४ वटा निर्वाचन क्षेत्र रहेको बारामा एमाले सबैभन्दा ठूलो दल हो । बारा १ बाट एमालेका अच्युत मैनाली र ३ बाट ज्वालाकुमारी साहले जितेका छन् । ज्वालाको क्षेत्रमा एमाले र जसपा तालमेल नभई उनले एक्लै जितेकी थिइन् ।

  • साझा परिवेश
  • शुक्रबार, चैत्र १०, २०७९ १२:१६

प्रतिक्रिया

तपाइको प्रतिक्रिया दिनुहोस्