नयाँ योजना तयार गर्न रेखा शर्माले दिईन रेडियो नेपाललाई निर्देशन

काठमाडौं

सञ्चार तथा सूचना प्रविधिमन्त्री रेखा शर्माले सञ्चारसँग सम्बन्धित आवश्यक कानुन निर्माणको प्रक्रियामा रहेको बताएकी छन्। यो नेपालको ७३औं वार्षिकोत्सवका अवसरमा सोमबार आयोजित कार्यक्रममा सरकारका प्रवक्ता शर्माले आमसञ्चार ऐन,मिडिया काउन्सिल ऐनलगायत आवश्यक कानुनविज्ञ र सम्बन्धित निकायको सल्लाह र सुझावका आधारमा तयार गर्ने काम भइरहेको बताइन्।

रेडियो नेपाल,गोरखापत्र,नेपाल टेलिभिजन सञ्चारका महत्वपूर्ण माध्यम भएको बताउँदै सरकार सार्वजनिक प्रसारण माध्यम (पिएसवी) विधेयकलाई अगाडि बढाउने तयारीमै रहेको उनको भनाइ छ। उनले सूचना, सञ्चार प्रविधिको दुरुपयोग होइन कि सदुपयोग गर्न सबैलाई आग्रह गरिन्।

उनले रेडियो नेपालले अझैं सन्देशमूलक कार्यक्रम उत्पादन गरेर जनताको बीचमा पु¥याउनुपर्ने र शतप्रतिशत जनताकोमा रेडियो नेपाल सुन्न सक्ने गरी व्यवस्थित योजना बनाउन निर्देशन दिए। रेडियो नेपालको महत्वबारे चर्चा गर्दै उनले भनिन्,’सूचना र सञ्चारका हिसाबले हामी निकै कमजोर थियौँ, हाम्रो गाउँठाउँमा इन्टरनेटको पहुँच थिएन,ती ठाउँमा सूचना,मनोरञ्जनको,समाचारको भरपर्दो माध्यम भनेको रेडियो नेपाल मात्रै विकल्प थियो र अहिलेको परिस्थितिमा पनि सञ्चारको भरपर्दो साधन रेडियो नेपाल नै छ ।”
रेडियो नेपालले बद्लिँदो समय अनुसार आफूलाई पनि परिमार्जन गर्दै लगेको उल्लेख गर्दै उनले अझै कतिपय अवस्थामा थप परिमार्जनको आवश्यकता रहेको बताइन्।

उनले संघीय लोकतान्त्रिक गणतन्त्र,संविधान र समावेशीतालगायत मुलुकमा प्राप्त उपलब्धि जोगाउन,त्यसलाई संस्थागत गर्न र जनतासम्म पु्¥याउन अझ महत्वपूर्ण भूमिका हुने बताए। ’विगतमा सूचना, सञ्चार प्रविधिको विकास नभएका बेला जनताको साथी भएको रेडियो नेपाल आजको परिवर्तित सन्दर्भमा त्यसलाई नयाँ ढंगले स्रोतामैत्री बनाउने,जनताको भरपर्दो सूचनाको माध्यम कसरी बनाउने भन्ने विषयमा ध्यान दिन जरुरी छ,’उनले भनिन्।

सरकार आगामी आर्थिक वर्षको नीति तथा कार्यक्रम बनाउने तयारीमा रहेको अवस्थामा नयाँ योजना तयार गर्न रेडियो नेपाललाई निर्देशन दिइन् ।

• संसद विघटन