June 13, 2024 | बिहिबार, जेष्ठ ३१, २०८१
सुचनाहरु
श्री केश तेल गुणस्तरीय रहेको उत्पादन कम्पनीको दावी घट्यो सुनको मूल्य, आज कतिमा हुँदैछ कारोबार ? कस्तो रहला आजको मौसम ? प्रतिनिधि सभाको बैठक दुई दिन स्थगित मोदीको शपथ ग्रहणमा भाग लिन प्रधानमन्त्री दाहाल आज भारत जाँदै दुर्ब्यशन विरुद्ध रङ्गभर्दै गौरादह जेसीज सुनको मूल्यमा नयाँ कीर्तिमान टी-२० विश्वकप: नामिबियामाथि स्कटल्याण्ड ५ विकेटले विजयी गौरादहमा खुल्यो “दर्पण कला सँसार”…… गृहमन्त्रीले गिरीबन्धुको फाइल खोल्ने होइन, बोल्नपनि सक्नुहुन्न : विश्वप्रकाश शर्मा मोदीको शपथ ग्रहण समारोहमा जाने तयारीमा प्रधानमन्त्री प्रचण्ड सुनको मुल्य अहिलेसम्मकै उच्च बालेनलाई न्यूरोडको फुटपाथ बढाउन दिनुपर्छ, केन्द्रको हस्तक्षेप बन्द गर- महामन्त्री शर्मा प्रतिनिधिसभाको बैठक आज बस्दै, यस्तो छ आजको कार्यसूची स्रोत नखुलेको ६९ लाखसहित चारजना चिनियाँं नागरिक पक्राउ टी–२० विश्वकप क्रिकेटमा अस्ट्रेलियासँग ओमान ३९ रनले पराजित सहकारी ठगि छानबिन संसदीय समितिको पहिलो बैठक शुरु विपद क्षेत्रको रिपोर्टिङमा जाने पत्रकार र स्वयंसेवकलाई तालिम दिइने सेयर बजारमा ५.५८ अंकको गिरावट हावाहुरी र चट्याङसहित पानी पर्ने सम्भावना

गहुँ सुकाउँदा दुर्घटनाको जोखिम

  • साझा परिवेश
  • शुक्रबार, बैशाख ८, २०८० १0:४१
गहुँ सुकाउँदा दुर्घटनाको जोखिम

बाजुरा  । बाजुराको साँफे–मार्तडी राजमार्गअन्तर्गत पर्ने डाब बजारदेखि मार्तडी सडकको बीचमा स्थानीयले सुकाउने गरेको गहुँले पछिल्लो समय सडकमा दुर्घटनाको जोखिम बढाएको छ।

बूढीगङ्गा र बडीमालिका नगरपालिकाका अधिकांश स्थानीयले चुट्नका लागि गहुँबाली सुकाउन सडक प्रयोग गर्दा दुर्घटनाको जोखिम बढेको हो। वैशाख लागेलगत्तै यहाँका स्थानीयले गहुँ टिपेर चुट्नका लागि सडकको बीचबीचमा राख्दै आएका छन्।

सोही ठाउँमा गाडी चलाउन निकै समस्या हुने गरेको गाडी चालक बताउँछन्। सडकको बीचमा गहुँ टिपेर राख्ने चलनले पछिल्लो समयमा बाजुराको डाबदेखि मार्तडीसम्मको अधिकांश सडकमा गाडी चलाउन निकै समस्या भएको महाकाली यातायात ना. ७ ख ५३३५ बसका चालक भेषराज जैसीले बताउनुभयो। “गहुँ बाटोमा नराख्न पटक–पटक भन्दै आएका छौँ तर पनि स्थानीयले सुनुवाइ नै गर्दैनन्,” उहाँले भन्नुभयो, “दुर्घटना हुन्छ भन्दाभन्दै पनि यस्तो काम गर्छन्।”

सडकमा गहुँ राखेर गाडीलाई बाटो अवरुद्ध गर्ने स्थानीयलाई बाटोमा गहुँ नफाल्नू भनेर जानकारी गर्दै आए पनि त्यसको कुनै सुनुवाइ नगरेको

बूढीगङ्गा नगरपालिका–८ का वडाध्यक्ष रमेश रावलले बताउनुभयो। उहाँले भन्नुभयो, “सडकमा गहुँ फाल्नु हुँदैन भन्दा उल्टै स्थानीयले आफूलाई गाली गर्ने गरेका छन्।”

बूढीगङ्गा नगरपालिकाको डाब, खुना, मालिका, रिठा, बेतालमाण्डौ, बाम्का, फालासैन, सेरा, बल्दे र बडीमालिका नगरपालिकाको तिपाडा, ओेलेना राप्पका, सेलाघाटलगायतका क्षेत्रमा पर्ने सडकमा स्थानीयले पछिल्लो समयमा गहुँ फाल्ने गरेका छन्।

सडकमा फालेको गहुँबाली गाडीले कुल्चिएर चुटिने भएकाले यहाँका स्थानीयले खेतबाट गहुँ टिप्दै सडकमा ल्याएर फाल्ने गरेका हुन्। बूढीगङ्गा र बडीमालिका नगरपालिकाका स्थानीयले बाटोमा राख्दै आएको गहुँ हटाउनुपर्नेबारेमा स्थानीय तहबाट कुनै जानकारी नआएको जिल्ला प्रहरी कार्यालयका सूचना अधिकारी किशोरसिंह ऐरीले बताउनुभयो।

  • साझा परिवेश
  • शुक्रबार, बैशाख ८, २०८० १0:४१

प्रतिक्रिया

तपाइको प्रतिक्रिया दिनुहोस्