June 14, 2024 | शुक्रबार, जेष्ठ ३२, २०८१
सुचनाहरु
श्री केश तेल गुणस्तरीय रहेको उत्पादन कम्पनीको दावी घट्यो सुनको मूल्य, आज कतिमा हुँदैछ कारोबार ? कस्तो रहला आजको मौसम ? प्रतिनिधि सभाको बैठक दुई दिन स्थगित मोदीको शपथ ग्रहणमा भाग लिन प्रधानमन्त्री दाहाल आज भारत जाँदै दुर्ब्यशन विरुद्ध रङ्गभर्दै गौरादह जेसीज सुनको मूल्यमा नयाँ कीर्तिमान टी-२० विश्वकप: नामिबियामाथि स्कटल्याण्ड ५ विकेटले विजयी गौरादहमा खुल्यो “दर्पण कला सँसार”…… गृहमन्त्रीले गिरीबन्धुको फाइल खोल्ने होइन, बोल्नपनि सक्नुहुन्न : विश्वप्रकाश शर्मा मोदीको शपथ ग्रहण समारोहमा जाने तयारीमा प्रधानमन्त्री प्रचण्ड सुनको मुल्य अहिलेसम्मकै उच्च बालेनलाई न्यूरोडको फुटपाथ बढाउन दिनुपर्छ, केन्द्रको हस्तक्षेप बन्द गर- महामन्त्री शर्मा प्रतिनिधिसभाको बैठक आज बस्दै, यस्तो छ आजको कार्यसूची स्रोत नखुलेको ६९ लाखसहित चारजना चिनियाँं नागरिक पक्राउ टी–२० विश्वकप क्रिकेटमा अस्ट्रेलियासँग ओमान ३९ रनले पराजित सहकारी ठगि छानबिन संसदीय समितिको पहिलो बैठक शुरु विपद क्षेत्रको रिपोर्टिङमा जाने पत्रकार र स्वयंसेवकलाई तालिम दिइने सेयर बजारमा ५.५८ अंकको गिरावट हावाहुरी र चट्याङसहित पानी पर्ने सम्भावना

बुबाको मृत्यु, आमा जेलमा, छोराको बिचल्ली

  • साझा परिवेश
  • आइतवार, बैशाख १७, २०८० ११:४६
बुबाको मृत्यु, आमा जेलमा, छोराको बिचल्ली

म्याग्दी । आमाबुबाको काखमा लुटपुटिएर बालापनको आनन्द लिनुपर्ने उमेरका ६ वर्षीय निमेश खड्का (नाम परिवर्तन)आफन्तको हत्याको अभियोगमा (कर्तव्य ज्यान मुद्धामा)आमा थुनामा (जेल) र बुबाको जेलमा नै मृत्यु भए पछि बिचल्लीमा परेका छन्।

म्याग्दीको बेनी नगरपालिका–९,घतानका ६ वर्षीय अबोध बालक खड्का आमा र बुबाको अभिशप्त कर्मको फल भोग्दै बिचल्लीमा परेका हुन्। अबोध बालकको दयनीय अवस्था देख्न नसकेर  बेनीकाहोटल व्यवसायी कृष्णप्रसाद बरुवालले खड्कालाई अस्थायी आश्रयमा लिएका छन्।

जिल्लाअदालत म्याग्दीले बच्चाका बुबा उत्तम खड्का र आमा निषा सुवेदी खड्कालाई  आफन्तको मनसायपूर्वक हत्याको कसुरमा दोषी ठहर गरेपछि खड्काकी आमा मनिषा जेल जीवन बिताइरहेकी छिन् भने बुबा उत्तमको जेलमा नै मृत्यु भएको छ।

आमाबाबुले गरेको गल्तीको सजाय उनले पनि केही समय जेलभित्रै बसेर बिताएका थिए। बेनीस्थित शिखर होटलका सञ्चालक बरुवालको अस्थायी संरक्षणमा रहेकाती बच्चाले बेलाबेलामा आमासँग बोल्न खोजेपछि कारागार प्रशासनलाई जानकारी गराउने गरेका छन्।

खाने,खेल्ने र रमाउने उमेरमा ती बालक बेसाहरा भएका छन्। उनलाई वरुवालले बेनीकै समता विद्यालयमा पढ्न पठाउँछन्। ‘पढाइ राम्रो छ, पढ्न मात्रै खोज्छ, आमा जेलमा परेपछि रेखदेख गर्ने मान्छे घरमा नहुँदा होटलमै राखेको छु’,बरुवालले भने।

जेलभित्रै रहेकी बच्चाकी आमा मनिषाले आफ्नो छोरालाई शिक्षा दीक्षाको लागि सहयोग गरिदिन देश विदेशमा रहेका मनकारी व्यक्तिहरू र संघसंस्थाहरूसँग अपिल गरेकी छन्।

आफू जेल परेको र बुबाको मृत्यु भएकाले बिचल्लीमा परेको छोराको पालनपोषण कुनै संस्था वा दाताले सहयोग गरिदिए ठूलो गुन मान्ने उनले बताइन्। ‘छोरालाई बाँच्न र पढ्न सघाउनुहोला, जेलबाट छुटेपछि जीवनभर तपाईको सेवा गर्नेछु’,मनिषाले भनिन्।

विदेशमा छु भन्दै छोरालाई फोन

कर्तव्य वा भवितव्य जुनसुकै प्रकारको अपराधमा लागेका भए पनि आफ्ना सन्तानका लागि आमाको मन वात्सल्यपूर्ण हुन्छ नै। अभिभावक जस्तै खराब भए पनि उसले आफ्ना सन्तानहरू खराब होउन् भन्ने चाहँदैन। मनिषाले पनिआफू जेलमा रहेको कुरा छोराले थाहा नपाओस् भनेर विदेशमा छु छोरा भनेर फोन गर्ने गरेकी छन्।

‘आमाछोराको फोनमा कुराकानी हुन्छ, छोरालाई विदेशमा छु भन्दै आमाको फोन आउँदा भावुक हुन्छु’,होटल शिखरका सञ्चालक बरुवालले भने।

मनिषाले छोरालाई वैदेशिक रोजगारीबाट १० बर्षपछि मात्रै फर्कने बताउने गरेकी छन्। मुलुकीअपराध संहिता २०७४ को दफा ४१ बमोजिम पुनारावेदन अदालत बागलुङले तोकेको सजाय भुक्तान गरी जेलबाट छुट्ने समयलाई उनले विदेशबाट फर्कन्छु भनेर छोरालाई फोनमा बताउने गरेकी छन्।

छोरालाई धेरै धन कमाएपछि मात्रै घर फर्कने भन्दै फोन गर्ने आमा मनिषा कर्तव्य ज्यान मुद्दामा जेल सजाय भोगिरहेकी छन्।आमा–छोराको मिठो खाने, राम्रो लगाउने अनि धेरै पढ्ने विषयमा भलाकुसारी हुन्छ।

वडाको पहलमा सहयोग जुटाइँदै

यता बेनीनगरपालिका–९ का वडा अध्यक्ष चक्र केसीले आमाबुबाको अपराधको सजाय छोराले भोग्ननहुने भन्दै वडाले संरक्षण गरी सहयोग जुटाउने बताए।  ‘अवोध बालकनिमेशको भविष्यअँध्यारो भएको छ, सबैको साथ र सहयोगको आवश्यकता छ’, वडा अध्यक्ष केसीले भने।

उनले बच्चाको को नाममा माछापुच्छ्रे बैकमा खाता खोलिएकाले सोही खातामा ( Nimesh khadka, 0160969886900015 Machhapuchhre Bank Beni Branch मा सहयोग जुटाएर लालनपालन र उच्चशिक्षासम्मको पढाइ पूरा गर्ने बताए।

सन्तानको सबभन्दा ठूलो खुशी आमा हुने भएकाले आमाको अभाव हुन् नदिने गरी उचित संरक्षण गर्नुपर्नेमा उनले जोड दिए।

  • साझा परिवेश
  • आइतवार, बैशाख १७, २०८० ११:४६

प्रतिक्रिया

तपाइको प्रतिक्रिया दिनुहोस्