July 15, 2024 | सोमवार, असार ३१, २०८१
सुचनाहरु
कोशीमा सरकार पुनर्गठनको तयारी कोकिनसहित विदेशी महिला पक्राउ मुकुल ढकाललाई स्वर्णिम वाग्लेको सचिवालयबाट धम्की कोशी, बागमती र गण्डकी प्रदेशका केही स्थानमा भारी वर्षा हुने पशुपतिनाथमा बृहत् कोटीहोम महायज्ञ आयोजना हुँदै आज देशको ४५औँ प्रधानमन्त्री बन्दै एमाले अध्यक्ष केपी शर्मा ओली युरोकपको फाइनल आज, स्पेन र इङ्ल्याण्ड भिड्दै राष्ट्रिय परिचयपत्र लागू गर्ने निर्णयबाट पछि हट्यो सरकार गौतमबुद्ध अन्तर्राष्ट्रिय विमानस्थलमा अवतरणका क्रममा बुद्धएयरको जहाज चिप्लियो प्रधानमन्त्री पुष्पकमल दाहाल ‘प्रचण्ड’ले आज विश्वासको मत लिँदै बेपत्ता यात्रुको खोजी तथा उद्धार गर्न प्रधानमन्त्री दाहालको निर्देशन बालेनसँग श्रीलंकाका राजदूत पाथिरानाको शिष्टाचार भेट अठार महिनामा पाँचौँपटक विश्वासको मत लिँदै प्रधानमन्त्री ४३ जिल्ला वर्षाको उच्च जोखिम, आवश्यक पूर्वतयारी गर्न आह्वान कोलम्बिया कोपा अमेरिका कपको फाइनलमा इङ्ल्यान्ड लगातार दोस्रो पटक युरो कपको फाइनलमा झापाको गौरादहमा बिजुलीको पोलमा मोटरसाइकल ठोक्किँदा एक जनाको मृत्यु घरायसी र व्यावसायिक प्रयोजनका लागि ग्यासको छुट्टाछुट्टै मूल्य कायम गर्ने तयारी प्रधानमन्त्रीलाई विश्वासको मत नदिन एमालेको ह्विप, अनिवार्य उपस्थित हुन निर्देशन मुकुल ढकालले पत्रकार सम्मेलन गर्दै

८ प्रतिशत आर्थिक वृद्धिदरको लक्ष्य हावादारी प्रमाणित : विष्णु पौडेल

  • साझा परिवेश
  • बुधबार, बैशाख २०, २०८० 0८:0९
८ प्रतिशत आर्थिक वृद्धिदरको लक्ष्य हावादारी प्रमाणित : विष्णु पौडेल

काठमाडौं । नेकपा एमालेका उपाध्यक्ष तथा पूर्वअर्थमन्त्री विष्णुप्रसाद पौडेलले अघिल्लो सरकारले लिएको ८ प्रतिशतको आर्थिक वृद्धिदरको लक्ष्य हावादारी प्रमाणित भएको टिप्पणी गरेका छन् ।

मंगलबार तथ्यांक विभागले सार्वजनिक गरेको आर्थिक वृद्धिको प्रक्षेपणबारे प्रतिक्रिया दिँदै पौडेलले यस्तो दाबी गरेका हुन् । आर्थिक वृद्धिदर २.१६ प्रतिशत कायम हुने विभागको प्रक्षेपणले अघिल्लो सरकारले चालू आर्थिक वर्षको बजेटमा ८ प्रतिशतको आर्थिक वृद्धिदर गर्ने राखेको लक्ष्य हावादारी भएको प्रमाणित भएको पौडेलले बताए ।

उपभोक्ता मूल्यमा १.८६ प्रतिशत र आधारभूत मूल्यमा २.१६ प्रतिशतले मात्रै आर्थिक वृद्धिदर हुने तथ्याङ्क विभागको प्रक्षेपणले मुलुकको अर्थतन्त्र संकट र मन्दीमा गएको संकेत गरेको पूर्वअर्थमन्त्रीकझ भनाई छ ।

पछिल्ला दुई आर्थिक वर्षको पहिलो त्रैमासिकको तुलना गर्दा ०.३४ प्रतिशतले आर्थिक वृद्धिदर ऋणात्मक रहेकाले अर्थतन्त्र जोखिममा परेको प्रमाण भएको पौडेलले बताए ।

अहिलेको सरकारले देशको अर्थतन्त्र संकट र मन्दीमा धकेलिरहेको आरोप लगाउँदै पौडेलले भने,‘तथ्यांक विभागले सार्वजनिक गरेको प्रतिवेदन हेर्दा मुलुकको आर्थिक अवस्था अत्यन्त चिन्ताजनक
देख्न सकिन्छ । विभागले प्रकाशित गरेको पछिल्ला दुई आर्थिक वर्षका त्रैमासिकको तुलना गर्दा आर्थिक वृद्धिदर ०.७३ प्रतिशतले ऋणात्मक देखिन आएको छ । यसले देशको अर्थतन्त्र पूर्णतः मन्दीमा प्रवेश गर्‍यो भन्ने प्रमाण हो ।’

एमाले नेतृत्वको सरकारले विषम परिस्थितिमा नाकाबन्दीको विरुद्धमा लड्दा, पुनर्निर्माण गर्नुपर्ने अवस्थामा पनि अर्थतन्त्र ठीक ठाउँमा ल्याउन सकेको उनको जिकिर थियो ।

‘अहिलेको गठबन्धन सरकारकै बजेटमा देशको आर्थिक वृद्धिदर ८ प्रतिशत हासिल गर्न सकिन्छ भन्ने महत्वकांक्षी लक्ष्य लिएको थियो । तथ्यांक विभागको प्रतिवेदनलाई हेर्दा उपभोक्ता मूल्यमा १.८६ प्रतिशत र आधारभुत मूल्यमा २.१६ प्रतिशतले मात्रै आर्थिक वृद्धिदर हुने प्रक्षेपण गरेको छ । यो तथ्याङकले चालू आर्थिक वर्षमा सरकारले ८ प्रतिशत आर्थिक वृद्धि गर्ने लिएको लक्ष्य हावादारी थियो भन्ने पुष्टि गर्दछ’, पौडेलले भने ।

अहिलेसम्मका सरकारका काम कारबाहीहरू अर्थतन्त्रका चुनौतीलाई समाधान गर्नेतर्फ नदेखिएको भन्दै उनले सरकार बेसरोकारको अवस्थाबाट गुज्रिएरहेको टिप्पणी गरे ।

  • साझा परिवेश
  • बुधबार, बैशाख २०, २०८० 0८:0९

प्रतिक्रिया

तपाइको प्रतिक्रिया दिनुहोस्