प्रधानमन्त्रीलाई फोटो पत्रकार समूहले बुझायो ज्ञापनपत्र

काठमाडौं । राष्ट्रिय फोटो पत्रकार समूह (एनएफपीजे) ले प्रधानमन्त्री पुष्पकमल दाहाल ‘प्रचण्ड’लाई ज्ञापनपत्र बुझाएको छ । संस्थाका अध्यक्ष प्रदीपराज वन्तको नेतृत्वको टोलीले बुधबार बिहान प्रधानमन्त्रीलाई भेटेर ज्ञापनपत्र बुझाएको हो ।

ज्ञापनपत्रमा फोटो पत्रकारको हकहितका लागि सरकारका तर्फबाट आवश्यक सहयोग प्राप्त होस् र फोटो संग्रहालयका लागि जग्गा र भवन उपलब्ध गराइदिन प्रधानमन्त्रीको ध्यानाकर्षण गराइएको छ ।

“फोटो पत्रकारिताको माध्यमबाट जीविकोपार्जन गर्ने सम्पूर्ण पत्रकारहरूको बिमा सुरक्षा र हरेक वर्ष प्रदान गरिने राष्ट्रिय मानपदवी अथवा प्रबल जनसेवाश्री पदकमा फोटो पत्रकार विधा समावेश गरी फोटो पत्रकारहरूलाई पनि योगदानको आधारमा राष्ट्रले सम्मान गरोस्,” ज्ञापनपत्रमा उल्लेख छ ।

यस्तै, फोटो पत्रकारलाई व्यावसायिक, मर्यादित बनाउनका लागि विभिन्न तालिम दिन वार्षिक रूपमा बजेट र समयानुसार अपडेट रहन आवश्यक क्यामेरा किन्न सहुलियत दरमा ऋण उपलब्ध गराउन पनि माग गरिएको छ ।
ज्ञापनपत्र बुझ्दै प्रधानमन्त्री प्रचण्डले फोटो पत्रकारका माग जायज रहेको बताए । माग पूरा गर्न आफ्नो तर्फबाट सक्दो पहल गर्ने आश्वासन उनले दिए ।

“मागहरू जायज रहेका छन्, त्यति ठूला र गर्न नसकिने माग छैनन्,” उनले भने, “यसको लागि पहल गर्ने प्रतिबद्धता जनाउन चाहन्छु ।”
ज्ञापनपत्र बुझ्दै प्रधानमन्त्री प्रचण्डले फोटो पत्रकारका माग जायज रहेको बताए । माग पूरा गर्न आफ्नो तर्फबाट सक्दो पहल गर्ने आश्वासन उनले दिए ।

“मागहरू जायज रहेका छन्, त्यति ठूला र गर्न नसकिने माग छैनन्,” उनले भने, “यसको लागि पहल गर्ने प्रतिबद्धता जनाउन चाहन्छु ।”

• संसद विघटन