कांग्रेसका सभापति देउवा र विदशेमन्त्री डोनाल्ड लूबीच भेटवार्ता
साझा परिवेश
शुक्रबार, असार २९, २०८० १७:३१
शेरबहादुर देउवा र विदशेमन्त्री डोनाल्ड लूबीच भेटवार्ता
‘नेपाल-अमेरिका सम्बन्धलाई थप सुदृढ बनाउन रचनात्मक छलफल
काठमाडौं ।।
नेपाली कांग्रेसका सभापति शेरबहादुर देउवा र नेपाल भ्रमणमा रहेका अमेरिकी सहायक विदशेमन्त्री डोनाल्ड लूबीच भेटवार्ता भएको छ ।भेटमा नेपाल-अमेरिका सम्बन्धलाई थप सुदृढ बनाउने विषयमा रचनात्मक छलफल भएको देउवाले ट्वीट गरेर जानकारी दिएका छन् ।
‘अमेरिकी सहायक विदेशमन्त्री डोनाल्ड लूसँग फलदायी भेटघाट गर्न पाउँदा खुसी लागेको छ,’ भेटपछि देउवाले ट्वीट गरेका छन्, ‘नेपाल-अमेरिका सम्बन्धलाई थप सुदृढ बनाउने विषयमा रचनात्मक छलफल भयो, नेपालको विकास र शान्ति, लोकतन्त्रको प्रवर्द्धनमा अमेरिकी सरकार र लूको अटल सहयोगका लागि कृतज्ञ छु ।’
अमेरिकी विदेशमन्त्रालयको मध्य तथा दक्षिण एसिया सम्बन्धी मामला हेर्ने लू दक्षिण एसिया भ्रमणका क्रममा आजै नेपाल आइपुगेका हुन् ।
