मन्त्रीहरुले सिक्दासिक्दै मन्त्रालय गइसक्छ, उहाँले बुझेकै हुन्न् : आरजु राणा
साझा परिवेश
शुक्रबार, साउन ५, २०८० १२:२७
मन्त्री हुनेहरुले पूर्व तयारी नगरेको
३३ प्रतिशत महिला उम्मेदवार अनिवार्य गर्नुपर्ने
काठमाडौं ।।
नेपाली कांग्रेसको केन्द्रीय सदस्य आरजु राणाले पार्टीबाट मन्त्री हुनेहरुले पूर्व तयारी नगरेको बताएकी छन् । केन्द्रीय समितिको बैठकमा बोल्ने क्रममा राणाले सभापति शेरबहादुर देउवा प्रधानमन्त्री हुँदा मन्त्रीहरुको तयारी बुझ्न पाएको बताइन् । ‘मन्त्रीहरुको पूर्व तयारी नै हुँदैन ।
सिक्दासिक्दै मन्त्रालय पनि गइसक्छ । उहाँले बुझेकै हुन्न् । सबै गइसक्छ । पार्टीभित्र मन्त्रालयको हरेक हरेक के हो त भनेर बुझ्न पर्यो ’ राणाले भनिन् । कांग्रेसको भोट कांग्रेसले नै काटेको उनले बैठकमा बताइन् । ‘हामीले हाम्रो भोट आफैं काटिरहेका छौं कसैले पनि हराउन सक्दैन,’ राणाले भनिन् ।
प्रत्यक्ष तर्फको उम्मेदवार बनाउँदा ३३ प्रतिशत महिला उम्मेदवार अनिवार्य गर्नुपर्ने पार्टीमा उनले माग राखिन् । राणाले भनिन्, ‘समानुपातिबाट पुर्याएको कुरा उठेको छ । हामी महिला कामै लाग्दैन रे । उसो भए नबनाइदिनुस न ।’
