काठमाडौं ।।
प्रमुख प्रतिपक्षी नेकपा एमाले गृहमन्त्रीलाई संसदमा बोल्न दिन तयार भएको छ । मंगलबार भएको तीन दलका शीर्ष नेताहरुको बैठकमा सुन तस्करीको अनुसन्धानका लागि उच्चस्तरीय छानबिन समिति गठन गर्नुपर्ने एमालेको मागमा सहमति भएन । तर गृहमन्त्रीलाई बोल्न दिन एमाले तयार भएको छ ।
एमाले सचेतक महेश बर्तौलाले भने, ‘उच्चस्तरीय छानबिन समिति गठन गर्छौं भन्ने आयो भने बैठक अगाडि जान्छ । त्यसो भएन भने हामी उठेर विरोध गर्छौं ।’ प्रतिनिधि सभाको बैठक आज दिउँसो तीन बजे बस्दै छ ।