चन्दा चौधरी : हाम्रो नेताहरूलाई प्रमाण नै नहुँदा पनि जेलमा किन राखेको ?

• नेताहरूमाथि प्रमाण नपुगिकनै जेलमा राखिएकोमा चन्दा चौधरीको असन्तुष्टि
• कांग्रेस नेतालाई प्रमाण नपुग्दा पनि पक्राउ गरियो 
• हाम्रो नेताहरूलाई प्रमाण नै नहुँदा पनि किन जेलमा राख्ने ?

काठमाडौं ।।

नेपाली कांग्रेसकी सांसद चन्दा चौधरीले संसदमा नेपाली कांग्रेसका नेताहरूमाथि प्रमाण नपुगिकनै जेलमा राखिएको भनेर असन्तुष्टि व्यक्त गरेकी छन् । मंगलबार संसदको विशेष समयमा बोल्दै सांसद चौधरीले अरू पार्टीका नेताको प्रमाण पुग्दा पनि कारवाही नगरेको, तर कांग्रेस नेतालाई प्रमाण नपुग्दा पनि पक्राउ गरिएको बताइन् ।

‘भ्रष्टाचार नै नगरी, मिडियाको भरमा, रेकर्डको भरमा, फेक न्यूजको भरमा हाम्रो कांग्रेसका नेताहरूमाथि कारवाही हुने, अरूको प्रमाणसहित हुँदा पनि दूधले धोएर, चोख्याएर घरमा राख्ने ? ,’ सांसद चौधरीले प्रश्न गरिन्, ‘हाम्रो नेताहरूलाई प्रमाण नै नहुँदा पनि जेलमा राख्ने ? ’

उनले संसदमा आफूलाई पीएचडी गरेको भन्ने माननीय संसदले लुगा फुकाल्दै बोल्ने, महिलाको चरित्र हत्या गर्ने काम भएको तर कांग्रेसको माननीयलाई मात्रै कारबाही भएको बताइन् । ‘हामीले यो कारबाही नगर्ने भनेको होइन । तर, फेक समाचारका भरमा यस्तो नहोस्, सत्यतथ्य प्रमाणित भइसकेपछि समातेर कारबाही होस्,’ उनले भनिन् ।

• संसद विघटन